تزوجني لإصلاح غلطتنا وبعد شهرين يريد تطليقي!

السلام عليكم ، بعد تعب تفكير حابه اشارك قصتي معكم يمكن احد يقدر يساعدني واطلع من هالمشكلة الي انا فيها  انا بنت عمري ٢٣ سنه تعرفت على واحد قبل سنتين وطلعت معه وفقدت عذريتي معه لكنه تقدم لي بسرعه وخطبني من اهلي وتمت الموافقه من الطرفين ومن حسن حظي وتزوجنا بسرعه ومحد حس على شيء بعد زواجنا بشهرين قال لي انه يبي يطلقني ومايقدر يستمر معي وانه بس تزوجني عشان يصلح غلطته، في لحظته صرخت وعصبت وكسرت الاشياء ودخلت في حاله هستيرية وهو ساكت ولاقال شيئ ولما هدأت قال لي بكل برود اعصاب انه لازم اوافق على الطلاق والا بيقول لاهلي بكل شيء صار بيننا وان زواجه مني من باب اصلاح غلطته معي بس صار يهددني انه بيفضحني لو ماوفقت على الطلاق ولما شفته كذا تمالكت اعصابي وطلبت منه يؤجل الطلاق لبعد كم شهر الين نرتب الامور ونوضح المشاكل لهم ووافق على هالشيئ انا الان في وضع نفسي سيء، فكيف بقنع اهالينا ان حياتنا لم تعد تطاق وانني اريد الطلاق؟ وكيف سأختلق مشكلات بيننا عشان تساعدني احصل على دعم اهلي للطلاق؟