صورة علم Saudi Arabia
من مجهول
منذ شهر 13 إجابات
0 0 0 0

كيف أغير حياتي مع زوجي للأفضل؟

 السلام عليكم جميعآ وشكرآ كتير ئلك دكتورة سناء انا عمري ٢٢ سنة تزوجت من حوالي سنة ونصف من شخص يكبرني ب ١٠ سنوات اول ما تقدملي نبسطت انو بيني وبينه فرق هالعمر لأني سمعت كتير لما يكون في فرق عمر منيح بين الرجل والمرأة بيحصل تفاهم أكتر بس للأسف بيني وبين زوجي مافي تفاهم ابدا يعني عقلي وعقله نفس المستوى وتفكيري وتفكيره كأني تنيناتنا بنفس العمر حبينا بعض كتير بالخطبة بس بعد الزواج حصل كتير مشاكل على أتفه الأسباب ومع الأيام بلش النفور والبعد بيناتنا يزيد ويتافقم لدرجة انا فقدت اي مشاعر تجاه زوجي زوجي من النوع الرجال الي عقله كتير صعب متسلط لدرجة كبيرة بيعاملني وكأني انا بس ئلو يعني هو لازم يكون هو الوحيد فقط بحياتي يعني لا أهل ولا اب وام بنظره انو هو كل هدول وكل العالم الي كنت عايشةمعن لازم انساهن وكأني انولدت من جديد المشاكل عم تزيد بيناتنا كتير ووصلنا لمرحلة انو راح نتطلق بس المشكلة صار بيناتنا طفل لذالك تراجعنا عن هاد القرار وانا بخاف كتير من شي اسمه طلاق عم حاول غير حياتي معه وقربه مني وافهمه بس ما عم افهمله المشكلة يعني مجرد مايصير اي مشكلة بيناتنا بيزعل وبيقعد بيبكي كرمال راضيه وانا تعبت من هالحالة بترجاكن ساعدوني لاتستخدم أساليب معه تغير حياتنا لانو بصراحة انا ما عندي أساليب حلوة ممكن تخليه يقرب مني فلذالك بتمنى تنصحوني كرمال رجع الحب القديم الي كان بيناتنا وشكرآ كتير