غيرة زوجتي دمرت حياتنا
مشكلتي مع زوجتي وغيرتها الغير طبيعيه!! عمري ٢٦ سنه و تزوجنا قبل سنه بعد خطبه استمرت ثلاث شهور.. زواجنا تقليدي فماكنت اعرف زوجتي ولااهلها قبل الخطبه والعرس.حياتنا جحيم بعد الزواج اكتشفت ان زوجتي انسانه غيوره لابعد درجه .. تغار حتى من الذبان الطاير، تعبت معها كثير ونكدت علينا حياتنا كل خمس دقيقه تدق علي وينك وش تسوي ومع مين .. وحتى اذا كنت بالبيت ماتخليني اشوف التلفزيون بحكم ان فيه " بنات!!"كل ماتكلمت معها تدخل بحاله هستيريه وتعصب ومعاد اقدر اتكلم معها.. تكلمت مع اهلها وكل كلامهم مانفع معها .. بالعكس صارت حالتها تتطور وتلحقني بالبيت واذا رحت الحمام عشان تتاكد انا اكلم او لا ووصلت معها تكلم اهلي وحريم ربعي عشان مايجوننا في البيت .. نشبو لي نشبة صرت اكرهها بشكل مب طبيعي.تكلمت معها وقلت لها لازم تروحين لدكتور نفسي انجنت عليٌ .. تكلمت مع اهلها اني ابي اطلق وماشجعوني .ايش اسوي معها؟ معقوله فيه احد يغار لهالدرجه؟ مع ان ماعندي اي خرابيط ومااكلم احد حتى قبل زواجي!
هذا جزء من الوسواس القهري التسلطي ولا تستطع السيطرة عليه حتى لو ارادت ،،، العلاج موجود وممكن ان تتحسن لانه يصاحبه قلق شديد وعلاج القلق موجود فهمها هذا الموضوع وكن واضحا معها ان استمرار حياتكما مرهون بالذهاب للطبيب النفسي واخذ العلاج وان تصرفاتها لن تنفعها او تفيدها ،،، العلاج ياخذ ٦ اشهر لتظهر نتاءجه فان تحسنت فبها وان لا انفصل عنها لفترة لعلها تراجع نفسها وتبحث عن حل لمشكلتها وتحافظ على حياتها