أهلي وأهل زوجي حرموني من الأجواء العائلية

مساء الخير مشكلتي جابه اطرحها ويا ريت لو تخففو عني شوي بأفكار اعملها او اغيرها براسي ت ارتاح ؟ هلا انا اهلي عيله متفككه بشكل لا يمكن احد يتصوره يعني الأخ والأخت والأم والأب كل واحد عايش بحياه الو اقسم بالله او واحد ما بيعرف عن التاني اشي المهم اتعودت ع هالموضوع وطول حياتي بتمنى اتزوج عشان اقعد قعده عائليه او اسريه او شي متل هيك احس بأجواء حلوة وسواليف المهم اتزوجت من هون وطلعت عيله زوجي كوبي بيست من عيلتنا اللهم همي بزياده ازا واحد غلط فيهم ع التاني يجيبولو الشرطه اتخيلو لأي درجه أما مع الناس كيف بيفرشو الأرض ورد والضحك ما بتفرق وجهم المهم اتغربنا وانقطعنا عن هالعالم لانو ما حد سائل عن التاني والله العظيم انا كل يوم والتاني ابعت واسأل وما ويردو بنفس ما كانو يردو قبل وخلص سبحان الله اللي، في طبع ما بتغير وأهل زوجي ما شا الله عاملين ل زوجي بلوك وكلهم عاملين ل بعض بلوكات يعني ما النا حدا الحمدلله ع كل حال هلا انا خلصت وصار عندي أطفال بس اقسم بالله بحزن عليهم ما الهم حدا يسأل عليهم ما في حدا يحكيلهم وينكم يعني والله العظيم زي الي مقطوعين من شجره نزلت اجازه ع بلدي وعادي انا واولادي بغرفه قاعدين وكل واحد بغرفه ومش طابقين الاولاد مع انهم والله كيوت ومش تاعون غلبه وانا ام وبعرف الفرق بين الطفل القظي بيقرد الراس والهادي واولادي جداا هاديين المهم من تاني يوم والله بستنو فيني اروح يمكن عشان صحن اكل زياده كلفتهم مع أولادي للعلم بجيب اكل للبيت ولاولادي يعني مو منقصه او ماخده شي المهم أفكاري بتخليني اضل اتخيل انو لازم انزل اكيد رح يتغيرو معي أو مع اخواتي او مع أولادي اكيد رح حد يسأل عنا اكيد رح نقعد قعده عائليه ونضحك ونخاف ع بعض ونسأل عن بعض وصار اكتر من موقف بين العكس تمام الغريب يخاف وهمي لا حياه لمن تنادي وأهل زوجي نفس الشي بزبببط المهم خلص مرق خمس سنين واتقالمت ع كل شي وخلص اهم اشي اسرتي واولادي واحنا لبعض ومستحيل اخلي أولادي ما يسالو عني أو عن بعض المهم مره طلعنا نلعب الاولاد ب الحديقه مرقت من جنب عيله ما شا الله كبيره كلها اخوه وخوات وأم وأب اقسم بالله مو بأيدي نزلت دمعه من عيني انو عمري ما قعدت هيك قععده والأطفال بيحكو وين فلان ابن عمي وين علتان ابن خالتي حزت بقلبي دعيتلهم من كل قلبي انو ربنا ما يفرقهم ويسندو بعض طيب أولادي ما الهم ذكريات مع أي اخحد من العيله يعني زيهم زي الغرب ما الهم ماضي، مع بعض انا هاد الشغلخ منفصه علي حياتي