حبيبتي غير محجبة

قضايا اسرية
animate

أنا شاب عمري 32 سنة حلم أهلي بأنهم يشوفوني عريس تحقق من سنتين بس هالحلم عم بتحول لكابوس ... السبب إنه الفتاة الوحيدة الي قدرت تدخل قلبي وتدفعني نحو اتخاذ قرار الزواج غير محجبة وهو أمر غير مقبول بالنسبة لعائلة ملتزمة ومتدينة متل عائلتي .. القصة بدأت لما تعينت زوجتي في الشركة الي بشتغل فيها شفتها وأعجبت فيها وحبيتها واتفقنا وقررنا نتزوج لما خبرت أهلي فرحوا كتير لكن لما عرفوا انها غير محجبة رفضوا واحتدوا والحقيقة إنه إقناعهم بالزواج منها ما كان سهل أبدا أخد مني الموضوع  وقت ومجهود كنت مستعد أبذل أضعافه مشان أكون مع البنت الي اختارها قلبي الحمدلله بالآخر قدرت أقنعهم .. على عكس الأفلام مشهد زواجي بالإنسانة الي بحبها ما كان مشهد النهاية السعيدة بالعكس كان مشهد البداية لتعاسة ومشاكل مع عائلتي القريبة وحتى أفراد عائلتي الكبيرة أمي وأخواتي غير قادرين على تقبلها حتى هذه اللحظة واخوي متدين ما حضر عرسي ومن يوم زواجي لليوم ما حكى معي ولا كلمة أما شباب العيلة فحدث ولا حرج المسخرة على الطالعة والنازلة غير عن مسخرة بنات العيلة عليها والهمسات والهمهمات الي بتصير في حضورنا أو غيابنا زوجتي بدأت تمل من هالوضع وانا كمان وأنا الآن بين نارين عائلتي وحبيبتي الي ما رح ألاقيها كل يوم مشان تشاركني حياتي، شو أعمل ساعدوني الله يخليكم؟

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي عزيزي هنيبال، الان وقد تم الزواج فانصحك بالتالي:1. أن تتخذ موقفا صارما ممن يضايقون زوجتك، حجابها من عدمه هو مسألة تخصها وحدها وطالما انها لم تتعد على احد فلها حق الاحترام والمعاملة الحسنى. كن صريحا مع اهلك واخبرهم بأن موقفهم يضايقك وبانك سعيد ومتفق مع زوجتك.2. وضع حد للمضايقات والتدخلات لا يقتصر على الحجاب بل يشمل كل أمور حياتكم، فمن الأفضل معالجة التدخلات ووقفها الان.3. حاول ان ترجع علاقتك مع اخوك وذكره بان الدين لا يرضى بقطيعة الرحم.
  • صورة علم Jordan
    صورة علم Jordan
    من مجهول

    يخوي انت أهلك

  • animate

  • صورة علم
    صورة علم
    من مجهول

    اثبت على موقفك ولا تسمح لأهلك انهم ديدخلوا بحياتك ويشكلونها على مودهم الحجاب قرار وخيار لزوجتك مو لأهلك وصدقني يمكن  تتعب  في البداية لكن بالآخر رح ترتاح هوايا

  • صورة علم
    صورة علم
    من مجهول

    أنا مشكلتي بتشبه مشكلتك بخصوص عدم تقبل أهلي لزوجتي بس السبب مختلف وهو إنها مطلقة بس لأني مقتنع فيها وبحبها أخدتها وهاجرت على بلد ثانية وارتحت وريحتهم

  • صورة علم
    صورة علم
    من مجهول

    ريح ضميرك لو أصريت على موقفك ما رح يكون عقوق والدين لأنه هادي حياتك وانت الي رح تعيشها مش اهلك ولا عيلتك كمل حياتك مع الإنسانة الي بتحبها وحارب مشان تضل معها

  • صورة علم
    صورة علم
    من مجهول

    صديقي عاش نفس التجربة مع إنه عانى الأمرين بس قدر يقنع أهله إنه الهداية من رب العالمين وإنه أخلاق البنت لا تقاس أبدا بحجابها وياما سمعنا قصص بتشيب عن بنات محجبات وبالعكس نصيحتي لوجه الله إنك تعمل مثل ما أنا عملت

  • صورة علم
    صورة علم
    من مجهول

    ذكرتني بقصة صديقتي المقربة .. صديقتي دكتورة غير محجبة محققة ذاتها على الصعيد المهني وشخصيتها مميزة على الصعيد الشخصي عائلتها جزائرية ونظرا لاختلاف الثقافة والظروف السياسية الي مرت فيها البلد بالتسعينات الحجاب مش من ضمن ثقافتهم وعاداتهم ولما ارتبطت بزوجها موضوع الحجاب أبدا ما كان خاضع للنقاش ..لكن أهله ما تقبلوها وعلى الرغم من إنها ضلت 7 سنين تحاول تتقرب منهم بكل الطرق الممكنة إلا أنه قبولها كان من المستحيلات السبعة حتى إنها كانت تجيب لبنات العائلة باربي وبدل ما يقدروا انها بتبذل جهد للتقرب منهم كانوا يقابلوا تقربها منهم بالسخرية والتهكم والتشكيك ..وللأسف لأنه الضغط بولد الانفجار ما كانت قادرة تتحمل أكتر من هيك وانفصلوا  وما كان عندهم أولاد لأنه نفسيتهم السيئة حالت دون إنجاب أولاد مع إنه ما في مشكلة عند اي حد فيهم.. نصيحتي بعد هادي القصة الطويلة انك تتخذ قرار بالاستقلال عن أهلك بطريقة واضحة وصريحة وممكن إنك تبحث عن فرصة عمل وتسافر أفضل من إنكم تقضوا سنوات طويلة من عمركم بتحاولوا تغيروا عقليات وعادات وتقاليد مترسخة من سنين طويلة ومتجذرة

  • صورة علم
    صورة علم
    من مجهول

    الحل عندي ... ذكرتني بصديقي كان عنده نفس المشكلة والمعاناة والصراحة انه تصرف بذكاء.. قدم لوالده ووالدته مجموعة من الأوراق فيها آراء وفتاوى لمرجعيات دينية تثبت أن الحجاب فرض شعيرة وليس ركن من أركان الإسلام أو الإيمان وطلب منهم إنه يسألوا شيوخ يثقون فيهم للتأكد من صحة الفتاوى .. في نقطة أخرى مهمة هي ان الحجاب في الأساس عادة قديمة عند العرب لو بدنا نفكر بطريقة أهلك إذا خلي الرجل يرجع يلبس القبعة الي كانت زمان من علامات المروءة عند الرجال

  • صورة علم
    صورة علم
    من مجهول

    والله يا أخي قصتك مؤثرة لأي شخص فكيف شخص مثلي مر بنفس تجربتك وعانى نفس معاناتك .. اسمعني شو تعمل وان شاء الله كل امورك رح تنحل .. انا كنت ساكن قريب من اهلي وغيرت مكان سكني بعدت عنهم وخففت الزيارات العائلية بالتدريج وخففت من وجود زوجتي معي في الزيارات العائلية الي بضطر أكون فيها ما رح أكذب عليك وأقلك إنه الموضوع انحل بهالبساطة الموضوع احتاج 5 سنين بس بالآخر الموضوع انحل.. يمكن تضطر تستنى 5 سنين أو أكثر أو أقل بس تذكر إنك رح ترتاح عمر كامل بعدها..

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟