هل يجوز لزوجتي خلع الحجاب من أجل العمل

هل يجوز خلع الحجاب من أجل العمل انا متزوج و سني 40 سنة وزوجتي 35 سنة لكنها محافظة على نفسها وتبدو وكأنها في سن العشرينات وعندنا ولد وبنت أطفال لكن في مراحل تعليمية ومصاريفهم كثيرة فعلا ولذلك زوجتي بتشتغل وتساعد في البيت معي خصوصا إنها مؤهل عالي واللغة عندها ممتازة كنت عايز أخذ رأي ناس ميعرفونيش شخصيا في مسألة ما وهي زوجتي الان معروض عليها شغل في شركة مستواها عالي جدا بمرتب حوالي 3 أضعاف مرتبها الحالي و ضعفين مرتبي أنا بالضبط ولما قدمت في الانترفيو اتقبلت لأن لغتها عالية وكمان مهاراتها عالية من حيث التواصل لكن المشكلة في حاجة واحدة بس إنهم شارطين كنظام عمل داخلي في الشركة دي إن ميكونش في محجبات خالص وأنا مراتي محجبة من قبل ما اتجوزها لحد الآن

طبعا أنا متردد بين القبول والرفض لأن فعلا المرتب المعروض عليها كويس جدا وهي عارضة بجدية إنها تساعد في البيت بنسبة كبيرة منه وده هيريحني جدا في مصاريف أولادي وتعليمهم و كمان ممكن مع التدرج الوظيفي لمراتي فيما بعد يزيد مرتبها أكتر كمان ودي مميزات كتير محتاجينها لكن نظام الشركة دي كدا ميكونش فيها محجبات من أطقم العمل حتى إن مراتي في الإنترفيو لما كلموها في النقطة دي عرضت إنها تلبس نصف حجاب مع لبس ماشي عالموضة العصرية لكنهم رفضوا تماماً وكان ردهم دي سياسة شركة إن مفيش موظفة تكون محجبة أو حتى نصف محجبة وده شرط أساسي لقبول الموظفة

فضلنا نفكر كتير في حلول عرضت عليها إنها تنزل من البيت بستايل لبس شيك و طرحة صغيرة أو تربون رأس مثلاً وتبقى تخلعه قبل دخولها الشركة مباشرة بحيث تدخل الشركة وهي غير محجبة ولما تخلص الشغل بعد ما تخرج تلبس الطرحة أو التربون تاني لقيت ده حل مناسب وهي كمان موافقة عليه نوعا ما لكن مازالت مترددة إيه أحسن تصرف في الموضوع ده من وجهة نظركم ننفذ الفكرة اللي قلتلكم عليها ولا اخليها تخلع الحجاب خالص ولا نصرف نظر عن الشركة دي