تعبت من غيرته وشكه علي وهو بالغربة

السلام عليكم كنت محتاجه بس اخد رأيكم فى حكايتى انا تزوجت زواج تقليدى من 8 سنين هو بيسافر اتخطبت واتجوزت 3 شهور وسافر بعدها ظروفه مكانتش تسمح انه ياخدنى معاه لما بيسافر بروح عند اهلى لاننا مش ساكنين فى بيت اهله ولانه غيور جدا وشكاك مش بيسيبنى اقعد فى شقتى لوحدى ومشاكلنا كتير جدا بسبب غيرته دى ولما بيزعق معايا ويشتم انا كمان بتعصب وبزعق واعلى صوتى كان الاول بيشتمنى انا بعدين تطور الامر وبقى بيشتم بالاهل وكنت بتضايق لان اهلى دول هما اللى متكفلين بأولاده فى حين ان اهله مش بيسألوا علينا غير فى المناسبات او لو حصل ظرف لينا ووالدى عمره ما حسسه بحاجه من دى ابدا رغم انه دائم المشاكل بسبب غيرته وشكه كان خاطب قبل مايخطبنى وفضل متأثر بيها كتير وكانت نفسيتى زفت من الموضوع ده وبقيت معنديش ثقه فى نفسى من كتر مابيذكرها ويقارنى بيها وبيعلق على مكياجى بشكل وحش وبيعلق على لبسى ويقولى هى وهى وزهقت من سيرتها بس مكنتش بتكلم فى اول جوازنا مكنتش بهتم بس بعد سنتين بقيت افتكر كل الحاجات دى وبقيت اشيل جوايا واطلعه مره واحده مجرد ماتحصل مشكله حتى لو تافهه كانت بتكبر بسبب اللى جوايا وكانت مشاكلنا بتوصل لانه يضربنى ولحد بعد 6 سنين ونص من جوازنا كان لسه بيفكر فيها وعامل اكونت فيك على الفيس بأسمها وكاتب عليه كلام وجعنى جدا لما قريته وبعدين عرفت انه الايميل ده بتاعه وزعلت معاه جدا ودلوقتى قالى انه نساها خلاص ومبقاش يفكر فيها بس انا للاسف مش قادره انسى الحاجات دى وبقيت افكر فى البنت دى اكتر ماهو بيفكر فيها بقت عقده عندى فكرت كتير فى الطلاق بسببها وكل ماتحصل مشكله بينا بفتكر كل اللى فات وبنهار جدا بس لوحدى لانه مسافر للعلم انا صاحبة مشكلة زوجى "لم ينسى خطيبته السابقه ويقارنى بها" وصاحبة موضوع "تعبت من غيرته على وهو بالغربه" انا بس حبيت اعرض مشكلتى بشكل كامل يمكن الاقى حل يحد من الازمه المفسيه اللى وصلت ليها حاليا احنا متخاصمين بسبب غيرته وشكه فيا وانا بقيت مش بحب اريحه لان الحاجات اللى بيسأل عليها هى هى وكل مره احلفله علشان يرتاح ويطمن بس اخر مره سألنى ومرضيتش احلف شتم وزعق وانا برضو مسكتش ومش عارفه اعمل ايه اكلمه ولا لأ رغم انى بعتله على النت ومش رد عليا انا طولت عليكوا انا عارفه واسفه جدا بس حبيت اعرفكم شويه عن حياتى لانى بجد محتاجه رأيكم وشكرا لكل اللى هيهتم بمشكلتى