صورة علم Saudi Arabia
من روان
منذ سنة 62 إجابات
4 0 0 4

حرمني من دراستي ويهددني بأخذ بناتي

سلام عليكمم انا متزوجة من عمري ١٤ سنه ودحين عمري١٩ سنه اتزوجت عن حب زوجي اكبر مني ب ٨ سنين اتزوجت بقناعه تامه مع ان اهلي كانو رافضين الشيء هدا بذات لن كان عمري صغير مررره بس انا ما فكرت غير كتفكير مراهقه لقيت اني حبيت شخص وابا اكمل معاه حياتي وهوا حبني اكيد بيعيشني اميرة المهمم مرت الايام فوق ما كنت صغيره بعد زوجي بشهر انا حملت بنتي الاولى صارت مسؤلية كبيره عليا بذات انو انا ساكنه بعيد عن اهلي وبعيد عن اهلو وانقطعت عن دراستي ما عندي غير شهادة المتوسط وبعد ما قررت اني اكل حمللت بنتي الثانيه ودخلت مشاكل كثيره بينا ومو عارفه كيف احلهاا انا جالسه اربي بناتي لحالي بعمرر صغير وهوا دواموو جدا طويل حياتي كلها ضاعت طفولتي انحرمتهاا واموو مشاكلهاا معايا كثير والمشكله هو مو راضي يتقبل فكرت انو انا اشتكي من امو وماخذ فكره ان امو مستحيل تغلط او امو كبيره في السن ولا يحق لي الكلام معاها ولا هو راضي يكلم امو وفوق كدا هوا يبغى يتسلط عليا بكل شي يبغى يصير الامر والناعي انا مالي راي عندو معتبرني طفله وكان دايم يهددني بالطلاق او الزواج من وحده تانيه لمن شاف انو انا ماصرت اخاف من الطلاق صار يقولي لو اتطلقتي باخذ بناتي منك وصررت اتغاظاء عن امور كثير صرت اخاف تصير مشاكل بس مشكلتي لين متى بجلس على دا الخال هوا راتبو جدا كويس بس مورط نفسو بديون صرت محرومه من دراستي لنو ماعندي احد اهلي بعيدين مستقبلي ضاع ادا طلبت شغالة يقولي مو فين اجيبلك انتي شايفه انو انا مضغوط برالغم من كثرت ديونو الا انو حتى فرش بيتنا مو مكملي ياه مع انو احنى ساكنين في شقه على حالنا وراتبو جدا عالي نفسي اكمل دراستي بس مافي حال عشان ديونو الا اني اسافر عند اهلي اكمل لو الثنويه بس هوا مو متقبل فكرت اني اسافر اخاف اسوي مشاكل واندم هل انا بكون غلطانه وطالبت بحق اني اكمل دراستي مهما كان الوضع واوجه مشكلتي معاه واقوي شخصيتي لن شخطيتي جدا صارت مهزوزه بعد زواجي بسسبب كثرت المشاكل منو ومن اهلو ):. اعتذر عن الإطالة انصحوني ايش لازم اسوي بحياتي وكيف ممكن اطالب بحقووقي ادا هوا عصبي وما يتفاهم وشايف انو هوا الصح وغيرو الخطاء فكل شي يحصل ؟!!!