زوجي لا يهتم لمصاريف البيت وأنا من يتحمل مسؤولية كل شيء

قضايا اسرية
زوجي لا يهتم لمصاريف البيت وأنا من يتحمل مسؤولية كل شيء

السلام عليكم ورحمة الله انا فتاة متزوجة منذ خمس سنوات لدي طفل والاخر على الطريق قصتي انو انا وزجي موظفيين لكن زوجي مستعد يصرف على الاشياء التافهة او المش مهمة بمبالغ وعندما اطلب منه المال يرفض او بيتخوت انا راتبي عليه قرض للبيت اخر مرة قلتله ادفع اجار الفندق اللي قاعد فيه بتعرفوا انو قسط قرض البيت بكون عالي، ومع ذلك ما اهتم، بالبيت بعد مية طوشة ومية تطنيشة منه تيجيب شغلة للبيت، هو مش بخيل بس علي وعلى البيت ما بجيب او بيصرف بحجة اني موظفة، بس هو بيعرف انو جزء كبير من راتبي بيروح للبنك والباقي انا بصرف على البت مونة اغراض لابني حتى احيانا بنطلع سوا عادي بحاس ما بيتضايق اكثر من مرة نتفق انا واياه او افتح سيرة انو لازم تحط مصروف بالبيت نص منك ونص مني يا بيضل ساكت يا بيرضى بس ما بيطبق انا صرت انرفز كتير من هالموضوع قاعد زي الضيف راتبه كويس كتير وما عنده لف ودوران تحكو انو على الهاملة بيصرف لالا، كل اللي بدي اياها بس يشارك بالمصروف لحالو بدون ما حدا يقوله مليون مرة. في مواقف بدنا نطلع فيها صرت احكيله انا طالعة وما رح اخد لا شنطي ولا محفظتي ما بيهمه ولا بيزعل اني برمي حكي بدي حل ضروري والله انا مش مادية بس الشغلة بتضايق

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي أنت تدفعين لقسط البيت جزءا كبيرا من راتبك وبالاضافه الى ذلك تنفقين على المنزل وعلى طفلك بينما زوجك لا يهتم ولا يفكر بتضحيتك فيساعدك . عليك بمواجهته جديا ، أما الملاحظات التي ترمينها بين الفتره والاخرى فلا لزوم لها ولا جدوى منها ، اطلبي مساعده أهله او أهلك في إقناعه وكوني حازمه وجاده ، مره واحده وينتهي الأمر أما الاستنزاف اليومي من مالك وأعصابك فنهايته سيئه جدا . اعطه حلولا يختار منها ، فإما يأخذ على عاتقه قسط البيت فيتبقى لك مال أكثر وإما تفتحا حسابا خاصا لمصروف البيت يضع كل واحد منكما مبلغا محددا فيه كل شهر وتنفقان منه . أنت الان مقبله على ولاده ولا بد من اتخاذ قرار بهذا الشأن فقد تضطرين للبقاء فتره في البيت للعنايه بطفلك.
  • صورة علم Jordan
    صورة علم Jordan
    من مجهول
    اذا كلمتيه بذوق وادب وحسستيه برجولته انا متاكده حيعمل كل شي طلبتيه لكن لما الزوجه تسترجل على زوجها وترمي كلام عليه هو بفقد رجولته وسمات رجولته وبصير وجوده برواز بالبيت . تادبي مع زوجك
  • animate

  • صورة علم Turkey
    صورة علم Turkey
    من مجهول
    اكبر خطا انه المراة تضع مالها و راتبها بيد زوجها يجب ان تحدد مبلغ معين اذا هي ارادت و عن طيب خاطر منها و هي ليست مجبره لانه الزوج اذا ركن فلن يهتم بها و لا باطفالها و سيركن ان الاخت او الزوجة الرجل سيتقوم بالمطلوب و كثير سمعنا عن رجال بعد فناء الزوجة راتبها و مالها و عمرها يكافئها بضره او حتى طلاقها ... ارى انك تاخذي اجازة بدون راتب و توقفي دعمك المالي و تتقاسمي المهام مع زوجك سواء المادية او المعنوية عشان يصحى الاخ و توقفي اتكاليته عليك بكل شي و على الزوحة ان لا تساعد زوجها بالمال الا اذا رات انه استنفذ كل الخيارات بعدها ممكن تساعد و تكون ضامنه حقها معه
  • صورة علم Jordan
    صورة علم Jordan
    من مجهول
    عموه انتي شو وجعك بالزبط ؟؟ اه شو بدك ؟ عندك الداء وعندك الدواء ومسالتك وليس مشكلة واضحه مثل عين الشمس طووول ما انتي موظفه راح يعتمد عليك . او ممكن يصير يدفع لكن بنشفان الريق . اقعدي وتستتي مع اولادك هي حيصير عندك طفلين وعيشوا على قدكم براتب زوجك وشو ما يكون راتبه كيفوا ظروفكم على راتب الزوج وبس . بس معلش يا عمو شكلك من هالبنات اللي لا بتكن ولا بتهدا وبدها تظل تفرفر وتنط و بتشتغل عشان تحط المصاري بالكافيهات والملابس والمكياج . عموووه انت ست متزوجه وعندك اولاد هلا ...الله يرضى عليك اقعدي وانستري بلاش تكون اخرتك وخيمه بسبب وظيفتك اللي ما حتنفعك اذا انخرب بيتك . وهو ساعتها اذا انضبيتي بالبيت المحروس تبعك حيصير مجبررررر رغم عن انفه يحط لكم مصروف . شو هالنسوان يا الله .
  • صورة علم Jordan
    صورة علم Jordan
    من مجهول
    اختي لازم تحترمي زوجك اولا وما بصير تطاولي عليه حتى وان كنت تساعديه بالمصروف . وخلص حولي القرض على اسمه وراتبه وانتي جمعي راتبك .
  • صورة علم Jordan
    صورة علم Jordan
    من مجهول
    بترمي حكي عليه وما بيزعل ؟؟؟!! احمدي ربك على هالزوج الصبور المحترم . في سيدات اول ما ينزل راتبها بكون بنتظرها وعطول بياخده منها واذا حاااولت تحكي معه بيضربها .
  • صورة علم Jordan
    صورة علم Jordan
    من مجهول
    انتي ذكرتي انو راتب جوزك منيح صح !!! اذن انضبي ببيتك مع اولادك واتركي الشغل خليه كل البلاوي على راسه عشان يتادب . والاصل انو من الخطوبه اتفقتوا على امور المصاريف . او انك بتستمري على هالمنوال اشتغلي وادفعي . طول ما انتي بتشتغلي خلص هو مريح حالو .
  • صورة علم
    صورة علم
    من مجهول
    اختي يمكن جوزك بيخبي راتبه للمستقبل المجهول وضابه في البنك ما تظلميه لاكن بدك تعرفي شو بيعمل وين بيضب راتبه وشو بيعمل فيه ؟
  • صورة علم
    صورة علم
    من مجهول
    يا اختي مدام راتبك بيروح منه جزء كبير للبنك بسبب القرض ، بدك تحاولي بأقصى ما عندك انك تحكي لجوزك وتقنعيه انك نفسك تفرحي على راتبك تشتري اشياء الك شخصية ول ابنك مو كل شهر انتي تصرفي وهو يضب راتبه لازم يتحمل المسئولية ايضاً .
  • صورة علم
    صورة علم
    من مجهول
    اختي بدك تفهمي جوزك انه لازم يتحمل مسئولية البيت ويتخيل انك ما تشتغلي كيف راح يصرف على البيت . لما بدك تصرفي اشي للبيت اطلبي منه يجيب هو واحكيله انا فلوسي ما بكفو وخليه يحس في المسئولية .

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟