على أي مشكلة صغيرة يتخلى عني!

انا بنت عمري ٢٤ تزوجت من سنة ونصف من شاب عمره ٢٩ و الله ما رزقني ولد لحد الآن..مشكلتي انه زوجي جيد ومحترم بشكل عام بس مشكلته انه حقود وقلبه قاسي وما يرضى بسهولة ابدا..يعني اي سوء تفاهم او اي مشكلة ما يحاول يتفهم او يكبر عقله لأ اذا انا زعلت هو كمان بيزعل ويخاصم ويقلب وجهه وما يرضى لا باسبوع ولا باثنين مهما حاولت واذا حكى يحكي من راس انفه..واذا حكى بطريقة مو زينة معي بسكت ويبان الزعل على وجهي يقوم يقلي ليش قالبة وجهك ويقوم هو ويقلب وجهه ويزعل..يعني باختصار لا اذا سكتت مستورة ولا اذا حكيت مستورة..ساكتة وقلبي مجروح يعني قالبة وجهي ما ينتظر شوي وبنسى وبحكيه عادي وبسامحه من دون ما يعتذر طبعا لانه على طول على حق وما يغلط..لا بسرعه يلومني وليش قالبة وجهك يعني وانا ما بتحمل هيك وما فيني عيش مع وحدة هيك وانا بدي اعيش لحالي احسن..وانا مو النسوان اللي تتطلب او تطول لسانها او ما تراعي زوجها بالعكس بهتم فيه وشغلي الشاغل هو حتى الشوز انا بنزعه من رجليه..بس بلحظة ينسى كل شي ويتخلى عني كانه الزواج والطلاق لعبة انا تعبت وما عندي ثقة بتمسكه فيني..بأي لحظة وامام اي مشكلة سخيفة ممكن يتخلى عني ويتركني لانه رجل جدا حقووود وما يسامح ولا ينسى ولا يرضى