اكتشفتُ أن زوجة ابني تعاني من سمات توحّد

السلام عليكم انا ليا ابن واحد على بنتين من كتر خوفى عليه كنت ديما بساعده واراعيه اكتر من اخواته البنات فاكبر على كدا كمان هو عنيد دائما يعندى معى ويعمل اللى يضره لدرجة حدث له حوادث بسبب عناده معى وعدم انصياعه لنصحى له وكان أتعرف على بنت زميله له ف عمله وكانت أسرتها غيرنا خالص وكنت رافضه زواجه منها ولكنه أصر مع العلم انى انا اللى اشتريت له شقة الزوجيه وفجأة الخطيبه غيرت تعاملها لى بشكل وصل حد الاهنات على الرسايل ف الموبيل بأرقام غريبه المهم بعد أربع سنين زواج حصل بينهم طلاق ورجع قال إنه ندمان على ما فعل وتقبلته ورجع طلب منى اخطب له انا بمعرفتى وبقيت اختار من بنات الناس بنات حلوين ومحترمين وهو يرفضهم ف من ضمن اللى اخترتهم بنت جابوهالى من ع النت ورحنا شوفناه ولحظت أنها مش طبيعيه وقولتله أنها مش طبيعيه وهو ما كانش خلف من الأولى خوفت من زواجه من البنت دى لانها غير سويه انا شوفتها عندها مرض ف العقل وهو شافها مسكينه نفسيتها تعبانه علشان يتيمه ونصحته بقول رسول الله صلى الله عليه وسلم تخيروا لنطفكم فإن العرق دساس ولكن ضرب بكلامى عرض الحائط وفعلا طلعت البنت عقلها مش سليم وبعد الزواج بأسبوع اكتشفنا حملها وطول فترة الحمل وانا عانيت الأمرين لانى كنت بتعامل مع واحده عمرها الفعلى 30 سنه وعمرها العقلى 7 سنين لغاية ما جالى انا تعب نفسى من كتر ما انا بحاول اعلمها ازاى تتعامل وأحاول اغذيها وهى عنيده كمان! المهم بعد تسع أشهر ولدت وطبعا ما فهمتش يعنى ايه تبقا أم وكأنها تمثال لحد ما الولد تأخر عن سنه الطبيعى ف النمو غير أقرانه اللى ف سنه والآخر اتضح أنها عندها سمات توحد ومش عارفه اتصرف ازاى وابنى رافض يطلقها مع العلم أنه هو اللى بيتعامل مع الولد ويشوف كله اللى يلزمه من مواعيد دواء وأكل بالتليفون وهو ف عمله ولما بيرجع بالليل أو يوم العطل هو اللى بيحاول يمشى الولد ويكلمه ملحوظه انا اكتشفت أن ابنى بيعلق كل أخطائه عليا