تركني في بيت أهلي معلقة حتى لايدفع النفقة

انا عمري 31 كنت متزوجه قبل 4 سنين وطليقي كان عقيم ومادي جدا وبعد 4 سنين ربنا بعتلي نصيبي هو متزوج ولديه اطفال وصاحب دين وخلق وعندو مخافه الله والكل من اهله حكو انه دايما مشاكل بينه وبين زوجته ومن زمان بدو يتزوج تم زوجي منه بعد شهر خطبه كانت أسعد ايام حياتي وحكيت الحمد لله ربنا عوض صبري وتعبي خير هو كان هاجر زوجته وكان يكرهها وهي مابدها اياه وبعد زواجي بشهرين رجعت زوجته اله الحمد لله ظلت أمورنا منيحه حب وتفاهم وكنت اساعده وادعمه ماديا الحمد لله ربنا رزقني الحمل وانا هلا حامل بالشهر 6 كان دايما يطلبني مصاري وانا ما أقصر معه وقبل فتره طلب مبلغ كبير حتي يقدر يفتح مشروع وانا ساعدتها واعطيته ذهبي كله وهو طلب يكتبلي شك حتي اظل مطمنه معه لكن بعد فتره وبعد ما فتح المشروع وصار معه مصاري طلب انه نطلق بعد زواج 7 شهور وبحكيلي انه بحبني وانه كان كتير مبسوط بس هو مو قادر يعدل بينا وانا قولتله انه اظل وعندو بالبيت عشان الناس ماقبل وهلا انا الي شهرين عند اهلي ومابسال عني ولا بعطيني مصروف لانه عارف اني موظفة طبعا كان يعطيني كل شهر دفعه من المبلغ الي سحبته اله وهلا بطل يعطيني اشي انا لجأت للمحاكم حتي اخد نفقه خاصه انه ما ظل من راتبي اشي وضحك ع انه اكون شريكه معه بالمشروع وطبعا هو سكر بيتي وباع الأثاث ولما عرف بالمحكمة بطل يطلقني وبدو يخليني عند اهلي العمر كله لا طلاق ولا رجعه اهله ادخلو وناس كتير حتي يرجعني وهو رافض الفكره واهله مصدمين انه ليش هيك عمل مع انه كان يموت فيا شو الحل ؟ شو اعمل ؟