فعلت المستحيل لكي أجتمع به فقابلني بالشتم والضرب

انا متزوجه من ١٥ سنة برجل يكبرني بعشر سنوات عندي ثلاث أطفال كانت حياتنا ماشية وامورنا لحد ما جيدة وكنا نعتبر أسرة مثالية كنت دائمة الإحترام والتقدير له أمام المجتمع الخارجي وكان هاد ينعكس على حياتنا الداخلية ويكون اله اثر ايجابي علينا وبالمقابل هو دائم التقدير والاحترام داخل البيت وخارجه إلى حد كبير كنت احبه وهو كان يحبني جدا بسبب ظروف الحرب الي تعرضت الها بلدنا مثلنا مثل كتير من أهل بلدنا اضطرينا نطلع من بلدنا بس للاسف ماطلعت مع زوجي ضحى هو بالبداية وحاول انقاذنا بالسماح النا انو نطلع مع اهلي من دونه على أمل اللقاء القريب ولكن استمر الفراق ٣ سنوات خلالها لم نلتقي ابدا فقد نتواصل بالهاتف طبعا هو ايضا غادر البلد ولكن باتجاه آخر في البداية استقبلت من طرف اهلي وبقيت فترة من دون عمل وبعدها رب العالمين يسر أموري وعملت وخلال هاي الفترة كنت دوما أناشد زوجي ليعمل أي شي لحتى نرجع نعيش مع بعض بس هو دوما ماكان يحرك ساكن دوما يطلب مني التحلي بالصبر وطولت البال المهم بعد ثلاث سنوات قدرت أحصل على فيزا في البلد الي أقمت انا فيه ليقدر زوجي يكون معنا بس مع الاسف هو كان رجع لبلدنا قبل بشهر من حصولي على فيزا له وقرر عدم الخروج من بلدنا مرة تانية واعطاني مهله لارجع لبلدي كمدة أقصاهاسنة وإلا بده يتزوج طبعا طول هالفترة هو لم يتزوج ولم يصرف علينا وبآخر فترة تغييير كتير من جميع النواحي خصوصا بعد رجوعه لبلدنا حاولت معه بكل الطرق انا واولادي انه نقدر ناثر عليه ليزورنا اي شي عملناه ماجاب نتيجة حتى الاولاد اصيبوا بخيبة امل كبيرة كتيره ونفرتهم من والدهم بشكل كبير وتوقفت انا عن الكلام مع زوجي بعد ترجياتي وتوسلاتي اله بزيارتنا وكنت بالفترة نفسها مكتشفه باني عندي كتل بمنطقة الصدر ومابعرف شو نوعيتها سواء كانت حميدة اوخبيثة يعني هل انا مصابه بالسرطان او مجرد كتل سليمة ورغم هاد كله ماعدل عن قراره بالنهاية توقفت انا عن الكلام معه بشكل نهائي وطبعا كنت دوما حريصه على علاقة الاولاد بابوهم تكون جيدة رغم البعد لكن بعد توقفي عن الكلام معه حاول مرة واحدة أنه يحكي معي وانا مااستجبت وبعدها بدا السيل العارم من السب والشتم والاتهامات العشوائية وانا لا ارد ابدا هو طلع من قلبي بشكل نهاىي بسبب اهماله النا انا والاولاد ولا بسال عنا ولا بهتم باي شي بخصنا ولا بعرف عنا اي شي الا بعض الاشياء البسيطة العامة الي بستفسر عنها من الاولاد لمابيحكي معهم انا طلبت الطلاق وماشية بالاوراق هل انا تصرفي صحيح ام لازم كنت اتصرف تصرف اخر انا المسؤولة عن الاولاد ومصاريفهم وكل امورهم وهو غير مسؤول عن اي شي حتى السؤال عنهم لم يعد موجود طبعا خلصت السنة الرابعة وبدأنا بالسنة الخامسةمن مدة الفراق بينا بس وانا رافضة العودة لبلدي لاني حاليا اموري في البلد الي انا مقيمة فيه افضل بكتير من بلدي حتى اولادي رافصين العودة وكارهين والدهم اكيد اربع سنوات مليئة بالاحداث والقصص والمشاكل ولا احد يستطيع اعطاء الحل سوا صاحب الوجع والمعاناة لكن احببت اخذ ارائكم لثقتي فيكم الرجاء عدم الاستهانه بالموضوع او التجريح لانه امتحان كبير من ربنا وارجو ان اكون ناجحه فيه ومابتمنى حد ينحط بنفس تجربتي