حياتي مع زوجي انقلبت من جنة لنار بسبب امرأة

السلام عليكم انا متجوزة من 8سنين وعندى ولدين 5سنين والاخر 10 شهور عندى 31سنة وجوزى نفس عمرى اتجوزت عن حب وكنا زمايل ف الجامعة الحقيقة انه كان بيعشقنى مش مجرد حب وبعد الجواز حياتنا كانت مستقرة وسافر بره مصر سنتين ورجع اشتغل محاسب ف شركة من اربع سنين مرت اول سنة عادى بعد كده بدأ يتغير خروج مع صحابة اللى ف الشغل وكان منهم صاحبه اللى جابله الشغل واللى كان بيناقض كل تصرفاتهم بقى زيهم سهر وخروج كل يوم كان معايا ابنى الكبير بس كل ده كان عادى لحد ما اكتشفت انه ع علاقة بأحد العاملات ف الشركة ومن وقتها اتقلبت حياتى من جنة لنار لان جوزى كان معروف عنه الاخلاق والاستقامة ومصلى وحاجج بيت ربنا بس اتبدل غيرت حياته بقى انسان معندوش اخلاق ف التعامل واسلوبه حتى مع ابنه ولما اكتشفت انى حامل ف ابنى التانى زعل ومكنش عاوز خلفة تانى عرفت اهلى واهلو الموضوع يمكن يرجع عن اللى هو فيه لانى كنت مصدومة وزى المجنونة لانى بثق فيه ثقة عمياء بس كان يعاند اكتر ويزيد ف العلاقة وكل اما احاول اقرب يبعد ويقعد بالشهور ميقربش منى لحد مقالى انه بيحبها وانا طلبت الطلاق اكتر من مرة وبرده مش بيرضى حتى بعد ماراح طلب من اهله انه عاوز يتجوز تانى وهما يساعدوه ورفضو ومن ساعتها بقى يشرب سجاير وحشيش وترك الصلاة وبقى كاهرنى وكاره ولاده وبعد حتى معرف ان اللى عاوز يتجوزها كانت على علاقة باكتر من شخص ف الشغل وحزروه منها وانها حد مش كويس وداخلة على طمع وواحد من صحابه قاله انها كانت معاه ف شقتة إلا انها اثرت عليه ولسة مكمل ف العلاقة ومش قادر يسبها تفاصيل سنتين ومش هاقدر احكيها دلوقت انا عاوزة اطلق وهو مش موافق وعاوزة ارفع قضية خلع وخايفة بسبب المصاريف بتاعتها وطول مدتها خايفة من والده المتسلط ومعرفش اخد حقى منه وعلى فكرة انا حاولت معاه بكل الطرق وهو خلاص مصمم ع اللى ف دماغة والكل بيقولى انه معمله سحر من التغير اللى هو فيه وانا مش عارفة اعمل ايه حياتى اتدمرت وبروح لدكاترة نفسين وعوزة ابدأ حياتى من جديد بيعيد عنه واربى ولادى ف استقرار محتارة اعمل ايه