كانت بنظري مصدر ثقة ولكن...!

السلام عليكم اتمنى تساعدوني في مشكلتي الحمد لله عيلتي واهلي عالم ملتزمين ومحافظين وانا كمان الحمد لله متربية على هيك ...بصراحة انا كتيير هادية ..وكتومة جدا ﻷنيي حسيت اني مش ممكن اوثق بحدا جربت مرة تعرضت لمشكلة وحكيت ﻷختي الاكبر مني ويلي المفروض تكون اقرب الناس ﻹلي بس هي طلعت مش ثقة وازعجتني كتيير لما حكيتلها ..وصلت لدرجة اني ما بقدر افضفض ولما أجرب بنفجر عياط من كتر الضغط دائما بحس اني انطوائية ووحيدة وكتير بفكر مرات اني انتحر لما احس اني مضغوطة كتيير بس ولا مرة جربت انتحر جد ﻷني بخاف اروح جهنم ..حاليا انا بحضر لثانوية عامة وأهلي بزيدو الضغط عليي..مع العلم اني لما كنت صغيرةكنت اجتماعية جدا ..الحمد لله ..الله عاطيني ذكاء ومتفوقة في دروسي لكن من فترة حاسة أني ما بعرف اركز وعلى طول فكري مشتت. العام الماضي علاماتي نزلت بطريقة جنونية بسبب ظروف وكمان فكري المشتت.. آسفة كتيير طولت الموضوع اتمنى تتقبلوني وتساعدوني ..شكرا ^_^