زوجي يقارني بطليقته ماذا افعل

زوجي يقارني بطليقته هو كذب علي في البداية وقال انه مطلق مراته شفوي وأنها عند بيت اهلها من شهور بسبب انها كانت مريضة مرض في الدم ومش بتقدر تعمل اي حاجة حتي انها حملت بتوأم وانجبتهم قبل ميعادهم بكثير بسبب المرض دا وهي واهلها خبوا عليه ده لما اتجوزها قال انا اتجوزتها سنة معشتش فيها قضيتها في المستشفيات قال انا طلقتها مرتين شفوي ومستني لما اسافر وهطلق رسمي عشان مش هينفع دلوقتي ومع الأسف انا صدقت كل كلمة لاني مش معايا حد ينصحني ولا يسأل عليه ويشوف هل كلامه دا صحيح ولا كذب

انا قلتله ازاي نعرف كلامك صحيح ولا لا قال لي كلمي طليقتي علي الماسينجر وهي هتقول لك الحقيقة علشان هي موافقة اني اتجوز وبتقول حقك عشان انا مقلتلكش الحقيقة وظلمتك فانا كلمتها وقالت نفس الكلام اللي قاله ولكن مع الأسف مطلعتش هي اللي كلمتني طلع هو اللي كلمني لانه كان عارف الباسورد

وافقت واتجوزنا ومن بداية الجواز مقارنات بيها في كل حاجة ومكنش فرحان معايا ابدا ويقول ندمت وفي الاخر اكتشفت ان مراته عنده في بيت اهله ومش مطلقة اصلا وهي عرفت انه اتجوز ومشيت وهو حاول معاها انها ترجع ومتمشيش ولكن رفعت خلع وهو معايا ومش معايا علي طول مقارنات وشايفها افضل

كان بيفسحها ويحاول يخليها سعيدة علي طول وانا علي طول شتيمة مقارنات تنمر شوفت محادثة ليهم علي الواتس اب بيقولها حتي لو اتجوزت عليكي انت وبس في حاجات بتتعاش مرة واحدة وبس وكلام كتير تاني للعلم انا مكنتش متجوزة قبل كدا شوفت عذاب لقلبي عمري ما كنت اتخيل اني اعيشه في يوم من الايام