زوجي اهانني ويطلب مني العودة للمنزل دون اعتذار ماذا افعل

زوجي اهانني ويطلب مني العودة للمنزل دون اعتذار ماذا افعل فأنا ارسلت صورة قديمة لزوجي موجود فيها اخواتي و زوج اختي عشان اوضح ليه إننا بنتعامل كعيلة واحدة مكنش في نيتي اي شئ سئ ولما رجع البيت لقيته بيحاول يستفز فيا بأنه يدور علي اي شئ ناقص و يعلق عليه و يقولي قومي نضفي أو شيلي الطبق أطفي الموتور سيباه ليه و هكذا لدرجة اني اتعصبت و قولتله بتعمل كده ليه ولا انت محروق من الصورة فعايز تتخانق لقيته قالي انتي واحدة وسخة و امك وسخة و ابوكي وسخ و انتي واحدة مريضة نفسيا بيعاير عشان قولتله اني كنت باخد علاج نفسي

فانا متحملتش الإهانة حتي لو كنت غلطانه ماينفعش يقل من كرامتي كده و سيبت البيت سابني اسبوع كامل محاولش يصالحني اتصلت والدته تبرر غلطه و تقول هي اللي استفزته و فضلت تشتكي مني اني معيشاه في مرار رغم اني كنت بتقي الله فيه لاقصي درجة و عديت ليه أخطاء كبيرة وحملتها عشان بحبه و بعدين لقينا أبوه اتصل و هو راجل مريض بشلل الرعاش بيتكلم بصعوبة فكلنا زعلنا إنه مش حتي بيحاول يحل مشكلته بنفسه

بعدها لقيت زوجي بعت رسالة لامي علي الفيس عشان يلم الدنيا و قالها سامحيني ده مش هيتكرر تاني و إن شاء الله تسمعي عننا كل خير بس امي رفضت ترد عليه لأنها عايزاه يجي يعتذر في البيت و يتعهد بعدم تكرار الشتيمة و المعايرة و ياخدني من البيت عشان ترد ليا كرامتي لقيته بيقولي روحي انتي و طيعي زوجك و رفض يجي البيت و استكبر هل انفصل ام ماذا افعل مع العلم اني مستحيل هرجع البيت إلا لو تنازل و جه اخدني من البيت و اعتذر لانه شتمني بالأب و الام ومش اول مره يشتم قبلها كان في مشكلة مع جوز اختي و بعتلهم رسالة غلط فيهم هما الاتنين و عديتها و مخدتش موقف