كنت أنوي إرجاع زوجي فقط فانقلب السحر على الساحر

انا متزوجة من سنتين وزوجي دايما ف كل مشكلة يضربني كرهته ابغى اتطلق منه وهو ما يوافق يبغى ينتقم مني...حرمني من كل شي من اهلي ومن الجوال وماعندي شريحة...ف يوم من الايام حلف عليا انه اذا خرجت من باب البيت اعتبر نفسي مطلقة...وسارت الايام ليوم انا وهو اتصايحنا قام ضربني ضرب مبرح الى ان سال الدم من راسي ويدي وبعدها خرج راح الدوام انا خرجت عند جارتي عشان اخذ جوالها واتصل لاخي يسعفني...طبعا عشان خرجت وقع الطلاق عليا...خفت ان بيتي يخرب وانا عندي بنت فكرت بطريقة تخلينا نرجع لبعض...قمت اخذت ورقة كتبت فيها احرف كتبتها بمناكير ولفيتها وحطيتها تحت الباب عساس انها سحر...ويوم جو الاهل اهلي واهله عشان موضوع الطلاق انا قمت خرجت الورقة عساس انه مدري من سحرنا والمشاكل بسبب السحر ذا وانه رح نبطله ونرجع لبعض بعدها....المشكلة ان الموضوع انقلب عليا زوجي مباشرة اتهمني اني انا سحرته وصارت مشكلة اكبر وراح بلغ الهيئة....وانا خفت اقول له بالسالفة قاعدة انكر الموضوع...ومن داخلي حاسة بخوف وتانيب ضمير ما ادري ايش اسوي...انا قاعدة في بيتي عشان اقضي عدة الطلاق واسمع طليقي يوميا وهو يتكلم عن السحر وانه خايف راح عند شيخ يقرا عليه وكل مرة يشوفني يتهمني باني ساحرة....تكفون ايش اسوي ايش الحل....انا اذنبت واستغفرت ربي بس والله كان نيتي شي ثاني...