زوجي صدمني: أنتِ وأولادك جئتم بفلوسي

السلام عليكم .. مشكلتي أسرية حدثت بيني وبين زوجي كنا قد طرحنا موضوع لموقف حدث بيننا وهو ان طفلي ذو الـ ٥ سنوات حصل على مبلغ ٥ ريالات من مجموعة توزيعات اثناء احتفال قامت به عائلته فرح ابني بالمبلغ لكنّ والده طلب منه ان يقوم بوضعه في حصالة الادخار التي وضعها هو ليجمع فيها ليخلص التزاماته حينها وقفت بوجهه وقلت له هذا استغلال غضب من موقفي وحين تناقشنا في اليوم التالي انفعل جداً وزاد من حدة النقاش انه انفعل وقال ( اتمنى لا تتدخلي بيني وبين ابني مايحدث بيني وبينه لا يمكن لك ان تتدخلي به وشرعا انت ومالك لابيك وانتي وعيالك ماجيتوا الا بفلوسي ) صعقني بكلامه قلت له راح تذلني لانك شاريني بفلوسك قال افهميها زي ماتفهمينها مع اني والله يعلم لما بدأنا بالكلام ماكان بهذا الاستفزاز حتى لما لامني على اني انتقدته قدام ابنه اعتذرت وقلت اسفه لاني غلطتك قدامه كان مفروض يكون الكلام بيني وبينك لكني لم اتنازل عن ان موقفه غلط وكان قاعد يستغل ابني فجأة ثار وانقطع الحوار عند هذي النقطه انا مافكرت افتح معه الموضوع وهو من اليوم الي بعده وهو يحاول يتودد لكنّي انجرحت مو قادرة اغفر له ولاني قادرة ارجع عادي و حتى اني افتح الموضوع لاهلي ماعندي نية انا مو عارفة وش اسوي عجزت انسى وكل ماطالعته تخنقني العبرة قهرني وربي شوروا علي ..