كلامه الجارح مثل السكين في قلبي

انا متزوجة ومغتربة عن أهلي وعندي ولدين بيني وبين زوجي مشاكل كتيرة من كل النواحي عدم اهتمام فيا وباولادو دايما احنا لحالنا حتى بس بروح من شغلو جوالو دايما بأيدو وصارت مية مشكلة من ورى هالتلفون وعالفاضي وكمان احنا مش متفاهمين ابدا من سنة ونص اكتشفت انو بخوني عالفيس مع وحدة وما قدرت استحمل وانهرت تماما وطلبت الطلاق لكن هو ضل يقنعني انو غلط وانو ندمان وما خلى واسطة ما جابها وانا يشهد الله ما رجعت إلا عشان أولادي لانو خلص حسيت اشي انكسر جواتي للأبد منو والي سنة ونص راجعة لكن ما شفت أي تحسن بعلاقتنا بالعكس بعذبني اكتر بتصرفاتو غير الكلام الجارح اللي متل السكين اللي بيحكي كل ما تصير مشكلة البيت ما بيهدى من كتر المشاكل هو بدو اني اسيبو بحالو ينام ويقعد عالتلفون ويعمل شو ما بدو وانا ممنوع انتقدو وانا والله تعبت من شعوري بالوحدة لحالي بالغربة ومسؤولية الاولاد علي أقل شي بغيب 11 ساعة وبس يروح ما بسألني كيفك أو شو عملتو اليوم والله بكتبلكم وانا بتقطع من جوا حاسة بنار جواتي ما عم تنطفي وما بدي اطلب الطلاق عشان أولادي مش اكتر بس كمان انا مو قادرة استحمل يوم واحد بهيك حياة وانا مية مرة أحكي معو واشكيلو بس عالفاضي متمسح بمعنى الكلمة ما عم يحركو شي ولا يهزو شي مع انو بشوف قديش انا تعبانة ونفسيتي بالمرة بسببو وما بعرف انام طول الليل من كتر ما انا مهمومة حتى من شهر صار معي شلل بالعصب السابع بوجهي من كتر ما كنت زعلانة وقتها والدكتور حكالو انو هاد بيجي على زعلة ومع هيك ما حاول انو يخفف عني والله ضاقت فيا الدنيا ومو خايفة غير على أولادي ما بدي اظلمهم واعيشهم بعيد عن ابوهم ولا زمان تركتو بس والله اني تعبت كتير ساعدوني لو سمحتو