تلقيتُ اتصالاً لتقول لي: أنا ضرتك!

تزوجت عن قصه حب وأنجبت اربعه اولاد لظروف المعيشة سافر زوجي وبعد فتره جاني تليفون واحده تقولي اني ضرتك طبعا كنت أموت من المفاجئة وبعدين اهلي كلموني وقال لي هو بيحلف طلقها وبعدين جه بعد كام شهر ما اتكلمت معاه خالص في مشكله وفوجئت بيه قالي انا اتجوزت تاني طبعا اتكسر فيا حاجات كتير ضربني واهاني علشان طلبت الطلاق قدام اهله وأولادي وبعد كده سافر ومكنتش بكلمه وخبرته ضحك عليا وقالي طلقتها وبعدين اكتشفت انها معاه وعارفه عنه كل حاجه وشغله وفلوسه تعبت جه يضربني تاني وقالي خلاص طلقتها وهي محرمه عليا وصدقته لأني اتربيت مفارقة وابي متزوج من أخري وقولت اربي ولادي رغم اني اعلي منه في الشهاده معي مؤهل عالي وبعدين لقتها بتصل بيه وهو قفل التليفون باص ورد سألته قالي ملكيش دعوه بتليفوني ولا شغلي وآه بيكلمها وفي شغل بينا وضربني كلمتها قالتلي انا امه وأخته وانا مراته وهو يقولي لا تعبت قوي ولما سافر قالي في التليفون انا بيكلمها في شغل ملكيش دعوه خليكي في عيالك ومتعب معي في حياتي الزوجيه ولما ألبس واروحله يبعد عني ولما أقوله طلقني مش موافق ابدا أعصابي تعبت وأمي ماتت ومالي غير رب العالمين جسمي تعب وأصبحت اصرخ في ولادي ولا بأكل ونفسيا تعبانه قوي نفسي اسيبه لكن مش راضي عمري ما توقعت كده كأن بينا عشره وسنين وحب وعشت معاه فقر كتير قوي صعبان عليا حبي واخلاصي له اربعه عشر سنه وانا اتحملت اربي ولادي يطلعوا الأوائل في الدراسه حبيته من كل قلبي عملت كتير قوي وربنا شاهد اني عوضت فيه أبويا اللي اتحرمت منه وجعلته أبويا وحبيبي بكلمه في التليفون روحي ترد فيا ده جزاء الاخلاص والحب بوست رجله انه يصون العشره وأولادي وليتنا وهو مصمم علي جرحي ويبقا زياره كل سنه خمسه عشر يوما ينزل تاني يوم بيكلمها ويبقا مش معانا وعايز يسافر تاني اعمل ايه والله بموت علي عمري واخلاصي وأولادي صدقوني والله ما ينام حموت والله من حرقه قلبي وفي ثانيه باعني وباع سنين وعشره