حب 9 سنوات ذهب بسبب..!!

حب ٩ سنين بيضيع من ايدى وانا مش عارفه اتصرف.انا بحب اخو صحبتى هو اكبر منى ب٣ سنين صحبتى دى انا وهى صحاب من اكتر ١٥ سنه صحاب من اولى ابتدائى لغاية اللحظة دى وانشاء الله صحاب لاخر العمر انا كنت بروح عندها كل يوم واوقات كانت هى الى بتجيلى فضلنا من صغرنا كده لغاية ما كبرنا انا اول ما دخلت اعدادى يعنى بدايه المراهقه كان هو اول شخص اعجب بيه ومقدرتش اعجب بحد غيره لغاية ما انا كنت فى ثانوى وهو كان فى الجامعه كان ربنا كرمه ودخل هندسه كنت يوميها عندهم فى البيت وبناخد درس انا واخته وانا فتحت الفيس بتاعى من على موبايل اخته اتفاجات برساله منه بيقولى فيها انه بيحبنى كان بعتلى الرساله دى من ٦ ايام بس انا كنت مشفتهاش وصدفه فى خلال ال ٦ ايام دول مكنتش بشوفه عشان هو كان فى جامعته بيرجع ينام واوقات كنت اروح كان هو بيبقى بره فمكنتش بشوفه لحظة ما شفت الرساله قفلت صفحنى بسرعه وقررت امشى وفضلنا انا وصحبتى نعلى فى صوتنا هى مش عايزانى امشى عشان انا كنت معرفه ماما انى هفضل قاعده عند صحبتى شويه بعد الدرس وانا مصممه انى امشى انا مكنتش اعرف انه فى الببت لغايه ما لقيته صحى وخارج متعصب عشان كان الصوت عالى انا كنت هموت من الكسوفه ودى حاجة مش عادية عشان انا كنت عادى بعلى صوته ادامه وبتعامل بطبيعتى واخته حكتله وهو كان لسه مفقش من النوم لقيته بيقول يعنى تصحونى من النوم عشان كده وبداه يضرب فى اخته كنوع من الهزار وقالى اقعدى شوبه انا كنت مصممه على لا ومشيت فعلا وفضلت كام يوم رافضه اروح عندهم البيت والدروس الى كنا بناخدها عندها غبت كتير منها لغاية ما بعنلى رسالةاعتذر وقالى انا غلطان ومينفعش تفضلى تغيبى كده من الدروس واعتبرينى مقلتش حاجة انا رديت عليه وبدانا نتكلم لغاية ما اعترفتله انى بحبه من زمان وفضلنا نتكلم كل يوم بس كلامنا كان بحدود يعنى باحترام بس طبعا كنت لما بشوفه بفضل ساكته ومش قادرة اتكلم اخته عرفت صدفه الموضوع بعدها بسنه ونص وعملت خناقه كبيرة معايا ومعاه وهددتنى لو مرجعتش لعقلى هتعرف اهلى واتخانقت مع اخوها وشتمته ان هو استغل صحبت اخته وحب يضحك عليها والموضوع اتحل معاها وهو عرف اهله ان هو ببحبنى وعايز يتقدملى ومامته قالتله بمجرد ما تتخرح بتقديرات عاليه هنروح نتقدملها والشبكه هتبقى هدية منى انا وابوك ليك وفعلا بمجرد ما اتخرج جم لاهلى طلبوا ايدى بس بابا كان مسافر وكمان جيه موت عمى فصعب الموضوع يعنى اجلنا الخطوبه على سنه كمان واكيد اهلى موافقين عليه انا دخلت صيدله واخته دخلت كليه اداب ولسه صحاب كنت بروحلها كل يوم جمعه نقضى اليوم سوا وفى فترة لقيت اخته بتحكيلى ان فيه واحده بتتصل عليه كتير وهو مش راضى يقولى مين دى انا اتعصبت وموبايله ساعتها كان فى الاوضه بتاع اخته الى احنا كنا فيها بنتكلم بيشحن وفعلا النمرة دى اتصلت وانا هناك وهو قام بسرعه من الصاله ودخل رد عليها وفضلوا يتكلموا كتير ودخل وحد الموبايل تانى فى الشاحن وقال لينا لو الموبايل اتصل تانى هاتوه انا اتنرفزت وقمت روحت وهو فضل يضحك وكلمنى يوميها على النت وقالى دى مهندسه زملتى فى الشغل وهى بتبقى تتصل عليا عشان الشغل انا كنت عارف ان اختى هتحكيلك فحبيت ادايقكوا هو فعلا مكنش بيكدب بس البنت دى خدتها الجرأه وجات البيت وانا موجودة وكان بتقول لمامته يا ماما وعملت نفسها صحبت بيت وكانت بدخل لمامته الحاجات فى المطبخ من غير ما حد يطلب منها وفضلت تدلع هناك هى معجبه بيه وانا متاكده انا كلمته يوميها بليل وقلتله كل واخد مننا فى حاله واتخانقنا خناقه كبيرة جدااا وقلتله ابقى روحلها هى يمكن تنفعك واحنا دلوقتى متخانقين بقالنا ٢٧ يوم هو مش راضى يكلمنى ولما روحت عندهم البيت مكنش حتى بيبصلى والى عرفته انه بيفكر يسيب الشغل عشان البنت دى يعنى بيحاول يحل المشكله ومع ذالك مش راضى يكلمنى حتى لما اخته قالتلوا اتصالحتوا واله لسه قالها قفلى على الموضوع ده ومسمعكيش بتفتحيه تانى يعنى الى فهمته ان هو عايز ينهى الموضوع بس مامته لسه بتكلم ماما ان اول ما بابا يرجع من السفر عايزين يقعدوا ويتفقوا بتقولهم ابنى بيقول الشبكه الى عايزنها هنجبها كل الى هتختاره هنجيبه انا اتفقت مع ماما وبابا ان احنا هنجيب خاتم بس عشان لسه هو مكنوش نفسه وفى بدايه حياته وماما لما قالت لمامته كده اتعصب وقال ان احنا هنحيب شبكه زى كل البنت واحسن منهم كمان هى مش اقل من ينت يعنى انا مش فاهمه هو عايز ايه بصراحه انا بموووت من غيره تعرفوا ان البنت يوم ما جات وانا هناك كانت بتعلب فى شعره ادامى وهو يبعد وهى بردة معندهاش دم دى كانت بتمسك ايدوا لما قعدنا نلعب كوتشينه ساعدونى لو سمحتوا