يزداد تعلقي به كلما فكرت بالابتعاد!

السلام عليكم قررت اكتب هنا قصه سببت لي قلق واحساس بالذنب من اربع سنوات ويهمني اسمع نصائحكم لي لعل الله يهديني انا فتاه عمري ٢٠ سنه بدأت قصتي وانا في سن ١٦ سنه كان عندي حساب في احد مواقع التواصل كنت انشر كتاباتي وكل مايعجبني واهتم لتعليقات الاصدقاء على كتاباتي وكنت اتضايق من بعض الاشخاص بسبب رسائل الخاص لان هدفي ليس التعارف وإنما تبادل الاراء على العام كان في شخص دائما يعلق على كتاباتي ولمست من كلماته انه محترم ومختلف عن البقيه مع مرور الوقت بدأ يرسل لي رسائل على الخاص انه أعجب بشخصيتي وكلماتي ويعتذر كثير عن ازعاجه لي بالخاص كنت اقول له ماعندي مانع نكون اصدقاء على العام لكن بدون تواصل على الخاص ويعتذر لي ويختفي فتره ويرجع يراسلني بهدف الإطمئنان علي مرت ست شهور وانا احاول كل مره ابين له انه غير مرحب فيه على الخاص بعدها بديت اضعف وحسيت اني حبيته وتعلقت فيه وصرنا نتواصل بشكل دائم لما عرفته من قرب شفت فيه كل الصفات الي اتمناها بصديق او اخ ماكنت اعرف مشاعري تجاهه لكن كنت احبه حب صادق مع الوقت حسيته نصي الثاني صار كل شي بالنسبه لي وملاذ لي ولهمومي كل ماافضفض له عن المشاكل الي تصير لي ارتاح واحس ان الدنيا بخير كنا نحث بعض دايما على الصلاه وعلى قراءة القران مايطلب مني شي ابدا لاصورة ولا اي شي ويخاف علي من كل شي وحبني من خلال حروف فقط عرض علي الزواج اكثر من مره لكن الوضع مايسمح لانه هو من بلد غير عني وانا قلت له في بداية علاقتنا ان تواصلنا غلط وان الزواج مستحيل بسبب اختلاف البلدان لكن هو أصر على تواصلنا احيانا احس اني اكرهه لانه يعلقني فيه وانا عارفه انه حنفترق بيوم وكنت ازعل منه بسبب اللامبلاه بالايام الجايه وش حيصير بعلاقتنا! لكن بكل مره يكون رده مستحيل نفترق ومن هذا الكلام السنه الي فاتت رجع لبلده وقال مافيه امل من علاقتنا وانه قرر يتزوج قلت له تزوج وحقطع تواصلي فيك وتمنيت له كل خير بحياته الجايه بس هو رفض انه نفترق قطعت تواصلي فيه فتره وكل مره يرسل ويقول مايقدر يتركني وانا بكل مره أبعد عنه لانه متزوج وانا مابي اخرب حياته لكن هو اعجزني ماعاد في قوه ابعد اكون كارهته لانه تزوج واموت شوق عليه يجي يراسلني خلاص اضعف لاني ماقدرت اكرهه،،، بعد انقطاع دام شهور من بعد زواجه رجعت اتواصل معه لانه تعبت نفسيتي اعيش صراع مابين حبه وكرهه وغيره وقهر وألم وعذاب ضمير اتواصل معه ويعذبني ضميري واحزن على زوجته مسكينه مالها ذنب والله انا مو من النوع الي يتعدا على احد ولا اخذ شي مو لي بس عجزت عن نفسي اتركه احبه ومابيه يكون خاين بسبي بس والله عجزت ابغى منكم حل كيف اتركه مادري انا مظلومه ولا ظالمه كل الي اعرفه اني احب واحد متزوج بس والله مو بكيفي حبيته قبل يتزوج وماقدرت اكرهه اتركه فتره ونرجع ،،،،، قبل فتره تقدم لي شخص ورفضته لأني مابي اظلمه معي وقلبي معلق بمكان ثاني، انا ادري اني غلطانه وعسى الله يسامحني ويسامحه اتمنى ماحد يزيد علي ويلومني لاني ألوم نفسي ومعترفه بغلطي ومابي احد يلومه هو كمان يحبني وماقدر يتقبل انه نفترق ويأنبه ضميره وعرف غلطة ابغى نصيحتكم وش اسوي كيف ابعد عنه تعبت من عذاب الضمير والله؟