أحببت أجنبي ولكنهم يقفون بيننا

بسم الله الرحمن الرحيم أنا سعودية عمري ٢٥، احببت رجل بريطاني كان يدرس معي بالجامعة جميع اخواني و خواتي يعرفوا عنه و هم غير معارضين للموضوع اما امي و ابوي معارضين و بقوة! و السبب ان لازم اتزوج من نفس البلد و المنطقة او على الأقل يكون سعودي خايفين على سمعتهم ان كيف عاطين بنتهم بريطاني من اصل باكستاني وأنا مصرة عليه لانه بصراحة محترم جداااا و يصلي كل جمعة في المسجد و ما يشرب و ما عمره يغلط علي أكلمه قريب ال ٥ سنوات الان! و الموضوع جدا متعبني، احس احيانا في أمل و احيانا مستحيل و على فكرة الرجال ناوي حتى يشتغل بالسعودية عشاني احس لو انهيت الموضوع راح اندم ندم شديد في المستقبل ما اشوف اي سبب في الإسلام يمنعني من ان اتزوجه كله بس تقاليد ان كيف نعطيك احد ما نعرف اصله و فصله و ماهو مننا بالنسبة لهم فشلة هو من اصل باكستاني الرجال متعلم و يشتغل و مو ناقصه شي الحمدلله اخواني محايدين و مستحيل يدخلوا بالنص بيني و بين امي و ابوي، و هذا مصعب الموضوع اكثر ان شاء الله اللي قاعد يصير لي خيرة و ادعي ان ربي يكتب لي اكون معاه اذا في الموضوع خير