أهلي سوف يذبحوني لو عرفوا اني
من مجهول
تاريخ النشر: 11-06-2016 10 إجابات
أنا فتاة عمري 21 ... ... بعاني من وسواس قهري من وأنا زغيرة كثير ..سبب الي كثير مشاكل بحياتي على الصعيد النفسي والاجتماعي والجسدي ....حاولت أكثر من مرة إني أتعالج ....وكان الدكتور يطلب مني إني أعمل فحوصات ولوضعي المادي الصعب ما تعالجت ووضعي تدهور بشكل كبير .....والخوف ذبحني والقلق والاكتئاب ....أهلي متشددين ومتعقدين وما بيعطوا البنت حرية لا بالحكي ولا باللبس ...حتى مجرد الترتيب اخواني بعملو الي مشاكل ....مع انهم بلبسوا شو ما بدهم ....ناهيك ممنوع الطلعات والنزلات ...ومع التخرج والقعدة بالدار يعني محبوسة ونفسيتي تدمرت خالص ....المهم أنا الي 3 خوات يعني حلوات لكن مع ضغط اهلي ممنوع تلبسوا وتزبطوا حالكوا بتحكوا انهم متوسطات الجمال ....المهم ما كان حدا كثير يتقدم لخواتي . ....تجوزت وحدة منهم وجوزها سببلها مشاكل وكان بدوا يطلقها مرتين بسبب انو بحكي مو مقتنع فيكي ما بتعرفي تلبسي ما بتعرفي تتمكيجي واختي متعلمة وحافظة القران ....و كل ما يحردها انا يزيد اكتئابي وأعيط ......وكرهت كل المجتمع وبغار من كل البنات وثقتي انعدمت بنفسي من ناحية جمالية خصوصا كرمال الي صار مع خواتي ....بالرغم من اني والله بيعتبروني كل الجامعة اني من ملكات جمال الجامعة مرة كانوا عاملين مسابقة يعني وفزت ....بس خلص بكره حالي وبلعن حالي اني جيت ...تعزبت بحياتي كثير كثير وما بدي أزكر مشاكلي ..بدي أركز ع مشكلة تعبتلي راسي وبعيط منها انا ليل نهار ...أنا تعرفت ع شب من منطقتي تقريبا بس ع الفيس وكثير عجبني وكنت بمووت عليه ..كل ما بتمنى كان فيه ...وبلش جبنا وصار يبعتلي صوروا وأعطاني الأمان لدرجة حسيت انو قطعة مني ...هلا صار يطلب صوري ....انا كنت رافضة تماما ..لكن مع ضغط كلامو ..ومع غروري انو انا بدي شوف حالي ونفسي اشوف رايو بجمالي ...ببعتلوو صوري ع مراحل لحد ما بعتلو صوري بفساتين سواريه وهيكا ..وكل مرة بيزيد يتعلق فيني أكثر وأنا طبعا كنت مبسوطة ...وكان واعدني انو هيتجوزني بعد شهر ......وهالشي كلو فترة الجامعة ....انا بعد فترة بديت افتش عنو أسال صحباتي من نفس عيلتو عنو ...حكولي لا عندو شقة ولا بشتغل ولا شي ....يعني كلو كزب بكزب حتى وضعوا المادي صعب يعني ما راح يتجوز ...المهم بديت اواجهو صار يلعن بحالو يحكي انا شب غلبان ومين راح ترضى في وانتي بنت حلوة الكل بتمناككي ومن هالكلام ....وحكالي انو في بنت اتهمتو زور بعرضوا وعملتوا مشاكل وكزبت عليه يعني بدا يفضفضلي ..وانا لقيتك الحضن الدافي الي ....وبديت اسالو عن البنت عرفت انها قريبة الي كثير ...وهوة عرف انها بتقربلي ....وخاف على حالو وشرد ....هلا بعد سبع شهور من العزاب الي أنا مريت فيه اني بعتلو صوري وحكينا مع بعض كلام ما بينحكى .....رجع بعثلي رسالة وتأسفلي وحكا اني ظلمتك وببحكي برسالتو انو البنت الي اتهمتو زور الي هي بتقربلي ...كان هوة واياها بحبو بعض واتفقوا ع مكان يئعدوا فيه والشيطان غرهم ودخل فيها وبعدها صارت مشاكل بيناتهم كثيرة وجابتلو الشرطة ....المهم انا لعنتو وطردتو وحكيتلو انقلع......... وأنا هلا تخرجت من جامعتي بمعدل امتياز والحمد لله .....انا نفسيتي تعبانة وبخاف من اهلي هيذبحوني لو عرفو وما بدي اتجوز لاني بعتت لواحد حقير صوري وشاف جسمي وهوة مش جوزي ومتوقعة بأي وقت تنكشف القصة ...اسفة ع الاطالة ...نصيحتكم ..متقبلة أي شي
شارك في الاجابة على السؤال
يمكنك الآن ارسال إجابة علي سؤال
كيف تود أن يظهر اسمك على الاجابة ؟
-
الدكتورة سناء مصطفى عبده يا ابنتي لنأخذ الموضوع نقطة نقطة:الأول البنت لما تتجوز يمكنها ان تعمل لزوجها ما تريد من لبس ومكياج وسعادة وكل الاشياء الحلوة، وهذه الامور ما بدها تعليم ومدارس ما وسائل التكنولوجيا اعطت كل شيء على المكشوف، فلا تقلقي لان اهلك يحافظون عليكم، وهذا امر طبيعي بنات واهتموا بدراستكم ورح يجي يوم تعملي فيه شو ما بدك.الكثير من مجتمعاتنا تحافظ على الفتاة والمرأة فالمحافظة والادب واحترام المرأة وصونها ورعايتها بدون حبس وتعذيب من الامور التي تدعو لها التشريعات، وضمن حدود الحقوق الطبيعية.بس شفت شو صار معك من مجرد انفتحت شوي على الفيس بوك؟؟؟ بعثتي صورك وانت سافرة لشاب لا تعرفينه وهذا اصلا خطأ، عندما يكون عندك بنت ستكونين خائفة عليها مثل اهلك، ومع هذا وجدت طريقة لتنفتحي بطريقة خطأ.ولأن التربية والاخلاق مستواها متدني هذه الايام نرى ان الكثير من الاخطاء تحصل وباي طريقة ومهما كان الحصار شديد.المهم لنعد الى موضوعك، بما ان سبع شهور قد مرت يعني تم تجاوز الموضوع. اغلقي حسابك على الفيس بوك، واعملي ان شئت حساب اخر، ولا تعودي لمثل هذا الفعل واستغفري ربك لانك عرضت جسمك اما رجل غريب وسمعته الاخلاقية سيئة، واحمدي ربك انه لم يتطاول عليك ويبتزك.وانشغلي بامور مفيدة مثل البحث عن عمل، واطوي صفحة الموضوع ولا تتحدثي فيه ولا حتى مع نفسك.وهي مرحلة مراهقة وتمر ولكن قومي بوعد نفسك بعدم العودة لمثل هذا الفعل ابدا مهما كان، مراعاة لحرمة نفسك اولا وحرمة اهلك ودينك تاليا.الكثير يمر بمثل هذه المواقف، والشاطر من يستطيع تجاوزها باقل الاضرار.وفقك الله 
من مجهول ولا تحكي ل حدا اشي ولا صاحبة ولا اخت ولا ام ما الك الا ربنا احكي مع ربنا احكيله انك غلطتي و انك بتطلبي عفوه و الستر منه و احكيله انك ما رح تعيديها وادعيه انه يبعد عنك الحرام هاد و هو بفهمك اكتر من اي حدا ربنا بسترك ما تخافي انتي بس توبي و كوني صادقة و صلي لربك ضلك صلي الله كبير. اذا بليتم فاستتروا. و ع موضوع ما بدك تتزوجي هاد قصة هبل خلي العرسان يتقدموا عادي و كل ما يجي واحد استخيري ربك و هو عارف مستقبلك و كل اشي ما بخطر ع بالك. انتي بس اوثقي بربنا. انتي بشر و غلطتي و ربنا غفور رحيم بس ديري بالك
من مجهول انت حكيتي مر 7 اشهر لهيك ما في داعي تقلقي صح الخوف رح يضل جواك بس ابعدي القلق عن مخك وانت غلطتي مرة وتعلمتي توبي ل الله وادعي كثير وحاولي تغيري من شخصيتك اقنعي حالك انت قوية وشخصيتك اقوى من هيك حبيبتي ان شاء الله تكون حياتك احلا من هيك وان شاء الله بتلاقي السعادة مع الشخص المناسب وبتحققي كل احلامك ❤ 
من مجهول اولا يجب ان تتوبي لله توبة نصوحة ولا تعيدي هذا الخطا......اكثري من الاستغفار وثقي بالله....وانزعي هذه الافكار والوساوس من راسك حتى تستمري بالحياة والرجوع لله....اقطعي اي اتصال مع هذا الشخص مهما كان ولا تخافي منه مهما قال او فعل ....ويجب ان تنسي الماضي وتستمري بحياتك مع تقوية ايمانك والنجاح في هذه الحياة......وانزعي من راسك عدم الزواج فقد اخطئتي لكن الاهم ان تصلحي خطاك وتتوبي ...والله لن يسمح فيك ان احسنتي الثقة به.......المني تصرفك اختي الكريمة لانكي انسانة بك كل مقومات الزوجة الصالحة وكل حياتك امامك رغم ظروفك الصعبة لكن كلنا نخطا فحافظي على نفسك وعلى شرفك وانسي الماضي ولا تسلمي قلبك او شرفك مرة اخرى لمن لا يستحقك وانتظري الحلال احسن وثقي بالله انه سيسترك ....لا تخبري احد بما فعلتيه وصاحبي العفيفات واهتمي بتعلم دينك والقران حتى لا تؤثر عليك وساوس الشيطان وان حدث نصيب وتزوجتي فعوضي لزوجك ما فعلتيه بان تصين نفسك وشرفك من الان وتنتظريه في الحلال من مجهول يعني بداية طبيعة اهلك هي العقلية المنغلقة جدا وهذا طبع و كان من الصعب انك تغيريه لكن يعني بالنهاية وضعك افضل من وضع الكثير من البنات و هذا الضغط لا يبرر تعرفك على شاب غريب و ارسال صورك له !! يعني انت بهذه الطريقة دمرتي نفسك و اذا هو فعلا سيء ممكن انه يستغل هذه الصور ضدك !! شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات الحب والعلاقات العاطفية
احدث الوصفات
احدث اسئلة الحب والعلاقات العاطفية
اسئلة من بلدك
احجز استشارة اونلاين
شارك في اخر الاختبارات
