كيف اجعله يندم على فراقي

الحب والعلاقات العاطفية
animate

ابي توفى من 3 سنين وبعد وفاته وضع عيلتي تغير خصوصا امي صارت عصبية كتير وبطلت متل الاول صرت اخاف احكيلها عن اي اشي بصير معي... بهديك الفترة كنت اتردد انا وامي واخواتي على محل للزي الشرعي بكل فترة وفترة كان بشتغل واحد هناك دايما يبينلي انه معجب فيي ويحاول يحكي معي او يضحكني بس ما كنت افتح مجال اخد طلبي واروح وضلينا هيك بحدود السنتين وانا اعجبت فيه كمان بس ضليت على نفس الوضع ... بيوم صرت اشوف فيه منامات واحس انه فيه اشي مو منيح رح يصير معاه (عندي حاسة سادسة بحس بالاشياء اللي مو منيحة قبل ما تصير) وتتكرر مناماتي لحتى ضليت ادور على ايميله ولقيته بعتله كل اشي عن مناماتي وعن حاستي وهو مو عارف مين انا بالزبط عرف اني زبونة عنده وحذرته ورحت بعدها بشهر رجعت اشوف فيه نفس المنامات ورجعت خبرته بوقتها صار يحكي معي كل يوم ويحاول يتقرب مني ويعرف مين انا وكان يحكي معي ويضحكني على اشياء لدرجة انسى حالي وانا بحكي معاه واتفقنا نلتقي بمكان هو بده يعرف مين انا وانا كان هدفي افهم حاستي وليش بشوف فيه منامات والتقينا وعرف مين انا وصراحة قدر يعلقني فيه وحبيته وهو كمان نفس الاشي كان يبعتلي كل يوم ويحكي معي كل يوم والتقينا 3 مرات وكنت بس اجي على محله يهتم بكل طلباتي لحتى اروح ويخلق حجج كرمال يشوفني او اضل بالمحل او يحكي معي... مشكلته كان مو مكمل دراسته الجامعية لظروف مادية عنده وانا خبرته انه اهلي ما بقبلوا الا شرط يكون دارس بعدها بلش يتغير علي صرت بس ابعثله يطول كتير ليرد او يطنش ونص مكالماتي يتجاهلها اجيت وصارحته وحكالي لازم نترك واعترفلي قبل ما يروح انه لساته بعشق الارض اللي بمشي عليها وراح مضى شهرين ما حكينا ولا التقينا بعتلي رسالة يطمن علي فيها وبعدها رحت مع اختي على محله كان يتصرف معي متل قبل يضل يحط حجج لأختي مشان نضل بالمحل وعيونه ونظراته الي زي ما هي كلها حب ومليانة حكي وبس كنت اطلع قدامه بأي صدفة نظراته تختلف ويوقف يطلع علي ويترك كل اشي حوليه لحتى اروح وبيوم تاني حكالي انه لساته بحبني كتير بس ارجع احكي معاه يرجع يطول كتير برده او ما يرد احيانا ... كنت احسه بحبني وبموت فيي وبنفس الوقت مش قادر يقرب مني حكى لصاحبة الي تركتها غصب عني مشان ما اكسرها واهلها يرفضوني وكل يوم ببكي دم على فراقها وباجي بدي ارجعلها واحكي معها بتزكر انه انا مش من مستواها ولا مستوى عيلتها... بعدها صار كل يوم يجي على حارتي ويضل قاعد قدام بيتي بالليل احيانا يبعثلي واحيانا لا وحكالي بيوم بكفيني انك بتحبيني بعدها حسيت بيوم وهو موجود بالحارة انه فيه اشي مو منيح رح يصير معه وانه مناماتي بلشت تتفسر بعدها بأسبوع خبرني انه صارت معه حادثة وانقطعت اصبعته بعدها بطلت اشوف فيه منامات ابدا ... ضليت بعدها 4 شهور ما شفته وشهرين ما حكيت معه بيوم شافني كنت قريبة من محله رحت اقعد مع اخي بمكان لقيته لاحقني وعم يدور علي بين الناس بس شافني وقف قدامي لبعيد وضل يطلع علي نفس النظرات مستحيل يتغيروا وضل واقف وطول وبعدها بأسبوع شفته صدفة بمكان وضل يطلع علي ونفس حركاته بعثتله وحكيتله نظراتك هي هي ما بتتغير صار يسألني كيف وهيك بعدها سألته ليش بطل يجي عالحارة حكالي بمرق كل يوم من باب بيتك وانا مروح بس ما حكالي السبب رجعت سألته رجع يطنش وما يرد ويطول ليفتح رسائلي اجيت بعثتله انه بكل مرة بحكي معك فيها بتخليني اندم اني بعاملك بطريقة منيحة حكيتله كمان انا عندي كرامة عم تزودها كثير معي رد علي وحكالي مافي اشي من اللي عم تحكيه ورح اعتبر حالي ما قرأت اشي وصراحة اندمت لأني رجعت حكيت معك خلص لا تبعثيلي ولا ابعثلك ولا رح ارجع اطلع عليكي وسلام اجيت بعثتله كل اشي جوات قلبي ما خليت اشي وما رد اجيت بعثتله بعدها انا اسفة عالاشي اللي رح اعمله بس انت خليتني اعمل هيك وعملتله حظر اله هالحكي اسبوعين وانا لهسا بحبه ولهسا بشتاقله وبحنله بنفس الوقت ما بروح لأي مكان ممكن يجمعني فيه حتى لو صدفة ... هو كان يحبني والا كان بضحك علي؟ ساعدوني اطلع من هاي القصة وانساه تماما وابطل احنله... ساعدوني كمان اقدر اخليه يندم على فراقي ويصير بنفسه يرجعلي ويحاول يوصلي ويعرف اني ما بتعوض وانه خسرني جد

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي كان بيضحك عليك، هذا شاب بده يتسلى وانت كمان بدك تتسلي. برائي انت عمتتحججي بقصة المنامات وكل شوي بتعلقيه فيك ساعة بزيارة وساعة بمسج وغيره. يا بنتي بدّي أسالك، انت شو بتعرفي عن هالشاب غير انه بيشتغل بهالمحل ومش مخلص تعليمه؟ برك مثلا اخلاقه سيئة، برك بفكر يستغلك او يضرك لا قدر الله، فكرت اذا شي مرة اجا جنب باب البيت وحكى انك على علاقة معه قدام اهلك والحي، شو بكون موقفك؟ انت عارفة اهلك ما حيوافقوا عليه ومعهن حق، فشو مستنيه من هالعلاقة؟؟؟؟ بكفي والدتك كترت عليها المسؤوليات بعد وفاة الوالد، الاجدر انك توقفي حدها وتسانديها بدل مشاكل علاقات مش ظابطة. تصرفي بنضج ولا ترجعي تحكي مع هالشاب نهائي والحمد لله عدت على خير بدون مشاكل. يا حبيبتي، انتبهي عحالك مش كل الناس طيبة فما تخلي حدا يستغلك ولا تفكري كيف بدك تخليه يندم، بلا مشاكل أحسن الك. الزواج قسمة ونصيب وتأكدي ان نصيبك حيجي لعندك بالوقت المناسب ان شاء الله.
  • الخبيرة النفسية د.سراء فاضل الأنصاري الحب جميل ومنعش ولكن له مقومات غير موجودة في علاقتكما. نعم بينكما عاطفة شباب وعمل هرمونات ولكن وبعد هل افكاركما مشتركة هل اهدافكما مشتركة هل الرسالة واحدة ،،هل ممكن ان يكون صديقا وتقوموا بنفس النشاطات معا. لا اظن واعتقد انك تعلمين هذا ولذلك تتقدمي وتتراجعي اما الزواج فله ايضا مقومات النجاح التقارب الفكري والاجتماعي والمادي والدراسي والثقافي وكلها مهمة لنجاح شراكة الزواج،،، اذا وجدت انكما غير ملاءمين لبعضكما اتركي الموضوع وستتعودي على الانفصال عنه كما تعودت على هذا الكر والفر لانك تجلبي الاذى له ولك بهذه الطريقة
  • animate

  • صورة علم Algeria
    صورة علم Algeria
    من مجهول

    انت تريدي ان تدمري الشاب مسكين لانب له وتحسي تتركيه يتعذب علاه ...

  • صورة علم Algeria
    صورة علم Algeria
    من مجهول

    ربي يصبرك بصح زودتيها نتي تانياهلك اصلا رفضوه وانتي تحوسي تندميه وتتركيه يتعذب .....

  • صورة علم Jordan
    صورة علم Jordan
    من مجهول
    إنتي بتلعبي وهو مآخذ الموضوع جد ....أنتي قلتي له بأن أهلك لن يقبلوا بعريس لك ليس جامعيا وهذا كلام معناه بأنه مرفوض عند اهلك يعني النهايه مغلقه أمامه -- وعوضا عن ان تشكريه أنتي تريدينه ان يتعلق بك ويتعذب --
  • صورة علم Jordan
    صورة علم Jordan
    من مجهول
    بجوز شاف انك فال مش منيح بلشتي الحكي معه انه بتشوفيه بمناماتك انه رح يصيرله اشي مش منيح وطبعا كمان لما تحكي شفتك بمنامي يعني بروح فكره لاشياء مش مزبوطة وطبعا ما رح ياخد عنك فكرة منيحة فقرر يتسلى عليكي بوقت فراغه وهو بعمل حركات مراهقين نظرات وما نظرات وانتي اهبل منه كل حكيك عن النظرات وجيته على الحارة ..واضح انك صغيرة ومش عاقلةبس تكبري بتفهمي اكتر
  • صورة علم Algeria
    صورة علم Algeria
    من مجهول
    بووووووووووه، خسرك وماراح يلق مثلك؟؟؟ يالك من غبية ومتعجرفة: يقول المثل، ياداخل مصر منك ألوف، ¤¤¤ ¤¤¤ وأنا أقول اللي تركك يلق ألوف
  • صورة علم
    صورة علم
    من مجهول
    على فكره انتي اللي خسرتيه مش هو اللي خسرك انتي اللي تخليتي عنه عشان مشكله ليست مشكله اساسا نادرا ما نجد الحب ولكن اذا كانت مشكله لديك فلا مانع الزواج توافق لكن ان تجعليه يندم هذه ليست مبرره اطلاقا
  • صورة علم
    صورة علم
    من مجهول
    تتجبري وتتكبرين وترفضيه وتعذبيه وبالنهايه تقولي كيف اجعله يندم هل انتي بكامل قواك العقليه انتي من اهنتي كرامته بالبدايه لانه غير متعلم رفضتيه وهذه ليست حجه على الاطلاق فالعلم ليس شيئا اساسيا برأيي راجعي حساباتك واعتقد انه هو من يجب ان يجعلك تندمين
  • صورة علم
    صورة علم
    من مجهول
    ما اراه هو انك انتي المذنبه وانتي واهلك السبب الرجل يحبك وانتي من اغلقت الطريق في وجهه لانكم لا تزوجون الا شهادات فلماذا تريدين ان تدمري هذا الرجل المسكين الذي لا ذنب له سوى انه احبك راجعي نفسك ولا تكوني انانية وحقوده

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟