لا أريد أن أعطي نفسي أمل كاذب

add_commentأضف إجابتك

thumb_downلم يعجبني0

السلام عليكم مشكلتي بإختصار انا بنت كنت على معرفة بشاب و بعلم اهلي و اهله و حتى لقائاتنا كانت مع العائلة و بمعرفتهم ، طبعا كنت صغيرة بالعمر و دامت العلاقة تقريبا تلات سنوات بعدها تركنا لاسباب كتير تافه و بس لفورة غضب متل ما بحكوا ، و بعدها ما حدا تنازل و رجع يتواصل مع التاني و ضلينا هيك لمدة سنة و نص بدون ما نحكي ابدا خلال السنة و نص هاي انا بصراحة اعجبت بدكتوري بالجامعة هو صغير بالعمر و ما صار اي اشي غلط ابدا بالعكس هو شخص كتير محترم و راقي بتعامله معي ، انا اعجبت فيه و ما بينت اي اشي و احتفظت باعجابي لنفسي بس في شخص موجود معي بنفس الكلية حكالي بطريقة غير مباشرة انو الدكتور هاد ما بعاملني انا متل ما بعامل باقي البنات و صار حكي كتير على انو هو جدا ملاحظ اهتمام الدكتور و خصوصا نظراته و طريقتو بالكلام معي ، انا صراحة حبيت الكلام اللي حكالي اياه بس ما حبيت اصدقوا عشان ما اعطي حالي امل كاذب و كل اشي كان طبيعي و انا وضعي كان بين انو اه الدكتور مهتم و بين انو مستحيل و انا بتوهم قبل فترة تقريبا شهر الشب الاول اللي كنت اعرفوا رجع و حكا معي و حكالي انو كتير ندمان على كل اللي صار و كانت لحظة زعل و عصبية مو اكتر و ما كنا ناضجين و لحظات طيش ، و انو هو لو لف ما رح يلاقي بنت متلي و من هاد الحكي كلو و انا بصراحة هاد الشخص بحبو و حبيتو اكتر لما رجع و رجعنا و كل اموري تمام و اقنعت حالي انو قصة الدكتور كلها وهم و تخيلات و ما الها اي اساس و اصلا كل هاد بس بعقلي و من ناحية الدكتور اكيد مافي اشي ، بعد عطلة طويلة رجعت للجامعة و رجعت لعند هاد الدكتور اللي كل ما بتعامل معو بحس باشي غريب ، و بعد ما رجعت اتواصل مع الشب اللي بحبو صرت اتعامل مع الدكتور برسمية كتير حتى اعود حالي انو مافي اشي بس لسا حاسة انو في اشي من ناحيتو ، و بنفس الوقت متدايقة انو ما بصير افكر هيك و بالدكتور و انا المفروض انو في شخص بحياتي
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • الخبيرة النفسية سراء الأنصاري
    الخبيرة النفسية سراء الأنصاري verified_userالعلاقة الحقيقية هي مع الشخص الذي فهمك وفهمتيه واحببته على علم ودراية خصوصا الخلافبسيط وانه رجع لك نادما وانت مرتاحة الان اما الدكتور فما يربطك به نوع من الفضول وكذلك الاحترام وانت لا تعرفيه جيدا لتقولي انك تحبيه وما يحصل معه شيء هرموني فقط اخرجيه من ذهنك ولا تفكري به بتاتا وستجدي الامر طبيعيا بعد فترة،،، ركزي على علاقتك الجادة خصوصا ان كان حبيبك قادرا علو التقدم والالتزام
  • صورة علم
    صورة علم
    مجهول
    انصحك لا تعودي له ، لانه عنصر الثقة بينكم اصبح منزوع، خصوصا من طرفك
  • صورة علم
    صورة علم
    مجهول
    لا ترجعي، من خذلك وتخلى عنك مرة فسيفعلها مرتين، كما ان هذه القصة ستبقى عالقة في ذهنك وما رح تنسيها ابدا ورح تظلك ما تثقي فيه وتراقبيه والشكوك تقتلك، ورح تتحول حياتك معاه من ثقة وسكينة الى مراقبة وشكوك وقلق ..الخ ، احسبيها للامام
  • صورة علم
    صورة علم
    مجهول
    لو انا كان زمااااان اشتريت كرامتي وقطعت العلاقة، لانه كرامتي واعتباري فوق كل شئ، وما اسمح لشخص يستخدمني وسيلة لهدف معين
  • صورة علم
    صورة علم
    مجهول
    الشطارة الان تستفيدي من الدرس، لا يلدغ مؤمن من جحر مرتين، الانسان الذكي والشاطر هو اللي ما يخلي حد يخدعه ويكون مرمى لاهدافه
  • صورة علم
    صورة علم
    مجهول
    الخطورة انه عنده استعداد فطري للخيانة والكذب والغدر واللؤم، كوني ذكية، لا تظلمي نفسك ، وبنفس الوقت لا تسمحي له يلدغك مرة ثانية ويخذلك مرة ثانية
  • صورة علم
    صورة علم
    مجهول
    من وجهة نظري ان تفكري جيدا قبل ان ترجعي للشخص الذي كنتي تحكي معه , لان لا تنسي بانه تخلى عنك ومن يتخلى عن الاخر لا يكون موثوق لذلك فكري بالذي يحبك و ليس بالذي تحبيه
  • صورة علم
    صورة علم
    مجهول
    نحن البنات هكذا عندما يخيب املناباي احد فاننا نتغلق عند اول شب يعجب بنا و اني تعلقتي بدكتورك كون له قيمة لديكي و امام الناس لكن عندما رجع حبيبك فانتي عرفتي بانه لا يوجد مشاعر حقيقية لهذا الدكتور
صورة علم United States
أضف إجابتك على السؤال هنا