في عز أحزاني طلب مني هذا الشاب الزواج

add_commentأضف إجابتك

thumb_downلم يعجبني0

في عز أحزاني طلب مني هذا الشاب الزواج
انابنت عمرى 21 سنة ملتزمة و حافظة القراءن و لله الحمد كانت الفترة اللى فاتت من اصعب الظروف و الاوقات عليا كان عندى ورم بس الحمد لله اتغلبت عليه و اتعافيت و فقدت ابن عمى و كنا متربيين مع بعض و اتوفى ف ظروف اكتر من صعبة و كنت مصدومة جدا و فى عز صدمتى و حزنى كنت مسافرة يوم و ف القطر قبل ما انزل بشية لقيت شاب قعد فى الكرسى اللى قدامى و استئذن منى وطلب مصحفى لانى كنت قاعدة معظم الوقت اقرا فيه و بعدين اديتهولو و سالنى انتى مخطوبة او لا انا مكنش على بالى فقولتو لا المهم قالى انا هاجى بس اعرف طريق البيت بس انا كنت فى ظرف صعب فى عز حزنى و صدمتى انا مهتميتش لانى كنت فى ظرف صعب مش مستدعى كلام فى شئ زى كده المهم انا قولت هنزل بسرعة و اختفى وسط الناس وبعدين هتوه منه فى الناس لحد ما اوصل البيت و ده اللى محصلش لقيتو ورايا و متاهش منى انا منكرش انى فرحت شوية زى اى بنت بتحس انها مرغوب فيها و حد معجب بيها بيطاردها و عاوز يعرف بيتها بس حزنى منعنى لانه كان طاغى عليا فى الفترة دى بعدين جه لحد باب البيت و طلب يقابل حد طبعا والدى مكنش موجد و امى واختى كانوا موجودين بس محدش عنده استعداد لموضوع زى كده المهم طلب يقابل حد انا رفضت وكمان رفضت اديله رقمى و هوا مكنش عاوز يمشى و انا خفت حد من الجيران يشوفنا سوا ف اخدت رقمه بس عشان اريحو و يمشى قبل ما حد يشوفنا و مكنتش ناوية اكلمه بس عشان يمشى حتى رفضت اقوله اسمى و طبعا حكيت لماما و اختى و طنشت بعدين اختى لقيتها كلمت بابا بعد كده كلمه انا منكرش انى كنت محتاجة الحب او الاهتمام و الارتباط و سبحان الله على الوقت اللى جه فيه المهم حتى بهد ما والدى كلمه و اتقابلو كنت حاسة انه عادى يعنى مفرحتش اوى و حدد معاد و اتقابلنا و لسوء الحظ كان مسافر تانى يوم على طول حتى مقالش لاهلو على حاجة زى كده ها كان فيه توافق مبدئى بس عنصر الوقت مش فى صالحى لانه مستعجل جدا ها بصراحة جاهز بس انا لاننها كانت اول مقابلة و والدى كان قاعد فمعرفتش اقوله على حاجات منها انى عاوزة اكون بطلة و بحضر عشان اخد ميدالية و مش عارفة اذا هيوافق و لا لا حتى ماما كانت معترضة بالنسبة للظروف بس لما شافته غيرت رايهالمشكلة مش ف كده المشكلة انه بابا قاله قبل ما يسافر انه لو فيه موافقة منى هيبلغه على طول و لما يجى تنكلم فى الخطوط العريضة و كده و لو مفيش يبقى نقوله عشان منضيعش عليه وقت انا فعلا محتاجة حد يبقى جمبى فى وقت زى ده بس خايفة اوافق دلوقتى و بعدين يرجع يرفض حاجة زى كده و ابقا ظلمتو معايا و محتاجة رايكم و مشورتكم
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • أخصائية علم النفس والتثقيف الصحي ميساء النحلاوي
    أخصائية علم النفس والتثقيف الصحي ميساء النحلاوي verified_userلا تعطي جوابا لطلبه بهذه السرعه ، الزواج مسأله مصيريه لا تتم هكذا ، فليذهب ويعود مع اهله حين يصبح يكون عنده متسع من الوقت للتعرف عليك عن كثب وليعطي اهلك بعض الوقت في السؤال عنه وعن اخلاقه وعن ظروفه وبيئته. لا شك في ان الله قد ارسل لك هذا الشاب لكي لا تيأسي  من رحمته وبأن الغد سيكون افضل . لقد مررت بظروف صعبه للغايه ولكنك حافظت على ايمانك وتمسكك بدينك وها انت الان تلتقين بشاب محترم وضعه الله في طريقك ليخرجك من ازمتك . اطلبي منه بعض الوقت ولا ترفضيه ، اكدي له انك موافقه مبدئيا ولكن طبعا يلزمك وقت للتعرف اليه عن كثب وذلك من خلال زياراته لبيت اهلك . تأكدي من زياره اهله لكم ولا توافقي على اي خطوه من دون قدومهم وطلبهم لك رسميا لان ذلك يعزز من قدرك وقدرهم . خذي وقتك ولا تتسرعي ، الامل بمستقبل افضل بات قريبا ولكن كل شيء في حينه فلا تتعجلي الامور وفكري جيدا قبل كل خطوه تقومين  بها. بالتوفيق
  • صورة علم Algeria
    صورة علم Algeria
    مجهول
    علاقة بدأت في رحلة اتركيها ترحل بدل ان ترحلي لوحدك بسببها الغ هدا الزواج فلا خير فيه
  • صورة علم
    صورة علم
    مجهول
    يجب أن تتأكدي من اخلاقة وحسن سلوكه أخبريه أن يعطيك متسع من الوقت للتفكير
  • صورة علم
    صورة علم
    مجهول
    ما تتسرعي واعطي نفسك فرصة للتفكير ولا تتخذي قرار الزواج الا وانتى مرتاحة نفسيا
  • صورة علم Egypt
    صورة علم Egypt
    مجهول
    بغض النظر عن الظروف لازم تسالوا عنه وعن اهله غي محيط سكنه وعمله وهل يمتلك سكن وهل علي دين وخلق وهل فيه عيوب زي انه بخيل او مريض او او الخ اذا استفسرتم عن كل شي و وجدتيه شخص مناسب كلميه مباشرة عن نفسك وهل هيقبل بشروطك ولا لا
  • صورة علم
    صورة علم
    مجهول
    هو ظهر في حياتك يمكن لحكمة من رب العالمين انه يخرجك من حالة الحزن الي انت فيها و يعوضك عن كل ما شفتيه ..استخيري رب العالمين و اسألوا عن الشاب و عن اهله جيدا ومن بعدا قرري
  • صورة علم
    صورة علم
    مجهول
    الزواج لا يأتي بهذه السرعة يعني لازم تفكري ولازم نعرفي شخصية الشاب قبل القرار الي رح تتخذيه ..الزواج مشروع عمر و اذا في شيء ما اتفقتوا عليه من الان صعب تتفقوا عليه بعد الزواج
صورة علم United States
أضف إجابتك على السؤال هنا