حبي له تحول إلى كره بسبب؟

مرحبا، مشكلتي كبيرة و ما عرفت لمين اشكي او اخد النصيحه بتمنى تفيدوني، انا بنت آخر سنه جامعه كنت من سنتين ع علاقه مع شب و كانت علاقه مؤدبة بس الشخص هاد عصبي جدا و بعصب ع أشياء تافهة و لو عصب ع شي بكب عصبيته فيني من حكي دفش لنفترة لبهادل حتى لو ما كنت انا سبب العصبيه هاي و عنده عاده يلي هي احكي رأيك بس انا بمشي ع يلي براسي و بس، كان يحكيلي اياها بالصريح، عانيت معه من كتير شغلات تانيه من اهمال من جفا من سوء معامله من عنااااااد لدرجه خلتني كل هالحب يتحول لكره، انا ما بنكر انه شخص منيح و قلبه طيب و عرفني ع كل اهله، أخته صارت وحده من أعز أصدقائي، امه من اطيب الناس يلي عرفتهم بحياتي، آخر علاقتنا كان بشهر 6 السنه الماضيه 2017 انا نهيتها بنفسي لأني تعبت و عانيت بما فيه الكفايه، هالشخص من يومها لليوم بترجاني مشان فرصه تانيه و انا رافضه بشكل قطعي و حلفلي انه تغير و انه نادم، بس مش قادرة اعطي فرص خلص تعبت، بهاي الفتره كان يتقدملي كتير بس و عجبني واحد و وافقت عليه طلع بالزبط الصفات يلي انا بعتبرها لفارس أحلامي و خطبتنا قريب، للعلم لسه ما كتبنا كتابنا مشان اهلي بدهم لما اخلص دراسه يعني كمان شهر، انا جد حبيت يلي تقدملي و هو حبني و صدقا بكره الشخص يلي قبل بس بضله يترجاني، فكرت للحظه اخرب خطبتي و خلص طول عمري ما اتزوج، شو اعمل اكمل بخطبتي او اعطيه فرصه او اخرب كل شي و خلص ما اتزوج تعبت صارلي شهور بهالقصه، و آخر شي انا خايفه هالشب إذا ما اعطيته فرصه يحكي مع خطيبي و يخرب حياتي كامله لانه مجنون و بعملها فشو اعمل