هل أعود للتواصل معه وأخبره بأني لا أرغب بالزواج منه أم لا

انا بنت وكنت بكلم واحد علطول عالانستا وتطورت وبقينا عالوتس بس انا مكنتش بحبو كان زى صديق ليا المهم هوا كان بيحبنى بس انا كنت علطول بقلو مينفعش ويقعد يقلى حرام عليكى واهتمامو بيا يزيد كل يوم ويقعد يلمحلى بالحب تانى وانا اقلو مش عوزا ارتبط دلوقتى وهوا يقلى هوا انا لدرجادى متحبش وكدا ففضلنا فترة بنكلم كاصدقاء بس كان مهتم بيا اوى وبصراحة عجبنى فى اهتمامو بس محبتوش فحاول يتكلم فالحب تانى فكلمتو وحصل كلام مبينا قلتلو بحبك وهوا قالها وقعدنا فترة كدا وبنكلم تليفون ومن ورا اهلى راح مرة انا حسيت انى مش بحبو فمرة وحدا من غير مقدمات رحت بطلت اكلمو خالص وهوا ابتدى يتصل كتير تقريبا كل يوم احنا كدا لينا يجى شهرين مبنكلمش وعلطول فالشهرين دول بيتصل عليا وانا عارفة انو هيجنن ويعرف انا فين او لية مبردش علية وبذات انى مسحت كل اكونتاتى ومحصلش مبينا مشاكل فالسؤال هنا ارد علية من اكونت ولا حاجة واقلو اننا مننفعش لبعض بس خايفة يرجع يتمسكن ويهتم بيا ويقلى نرجع وكدا ونا عشان عندى فراغ ومعترفة بكدا ممكن ارجع اكلمو بس هسيبو تانى بردو لما افوق وانا مبحبوش خالص غير زى اخويا او كدا بس ونا عمرى 17سنة وياريت محدش يتريق وشكرا