أخبرني أنه مسجون فكيف أتأكد إن كان مظلوماً أم لا؟

السلام عليكم والرحمة انا فتاة عازبة عمري 27 قبل حوالي شهرين دخلت موقع للتعارف دلتني عليه صديقتي لاني اسوق لشركة سيارات ومحتاجة زباين مو بقصد التعارف والله الموقع معروف وفيه من كل الاجناس الخليجية المهم دخلت على كذا حساب وعرضت المنتج الاغلب رفض واثنين طلعوا جادين واحد من ضمنهم اللي بتكلم عليه طلب اعطيه رقم واتس وعادي جدا اعطيته رقمي حق الشركة انسان ثلاثيني وكان رزين وواضح المهم كلمني انه حاليا ما بيشتري واتفقل الموضوع لكن قالي انا مستعد اخدمك بزباين اتواصلي معي بعد اسبوع مرت الايام واتواصلت معاه قالي انه بمستشفى وعنده كلى اعتذر اتعاطفت معاه و صرت اساله عن حاله بين فترة وفترة عشان لا يفكر اني حق مصلحة وبس رقمه اجنبي ...بعدها صار يسلم علي عادي وانا اطمن على حاله لكن ما وثقت فيه وكنت حاسه على طول عنده شي يخبيه فقلت اتاكد مره اساله كم الساعه عندك ايش تسوي ووين وصل علاجك اجوبته ما كانت مقنعه بالنسبة لي يوم طلب يتصل علي يتعارف طبعا رفضت واستمرفترة يصر قلت اوكي اعطيني معلومات كامله عن هويتك ما اتردد قال كل شي ورسلي صوره ومع ذلك رفضت اتصالاته لاني حاسه انو وراه سر ..بيوم قلت له ابغى تصور نفسك بمنظر طبيعي بالولايه اللي هو فيه بس اتهرب ومن هنا اتاكدت انه يخبي شي ...اعطيته فرصة وكلمته عادي صار يصبح ويمسي علي لكنه ما غلط ولا مرره الين قبل اسبوع صرت اساله اسئلة شخصية قالي انا ارتاح لك وابغى اكلمك بشي بس اجلته الين ما اثق فيكي جربتك كذا مرره وباين انتي بنت ناس انا مسجون( وهنا احساسي ارتاح لاني عرفت سره)ما ابغى تزعلي مني عشان خبيت عليكي لكن كل ما قلتلك عن نفسي صدق وسالته وين مسجون قال بنفس الدولة اللي انا فيها وانه مظلوم قلت ما اقدر اثق فيك انت كذبت اترجاني اكون معاه وما اقطع علاقتي فيه ...قال لو تبغي بخلي اهلي يخطبوكي ومستعد ما اخليكي انا محتاج توقفي معايا انتي عجبتيني بكل شي انا خايفة اصدقه واثق فيه يفتح علي باب جهنم وخايفة اخليه اكون ظلمته وما اعطيته فرصة ساعدوني الله يخليكم والله ما ارتاح قلبي الا لما اعترف واحسه ابن ناس ومن جد مظلوم..