ما الفرق بين الحب والتعود؟

هو شنو الفرق بين التعود والتعلق والحب ..تعرفت ع شخص صدفة وظلينة اصدقاء مدة سنة واحد محترم الخ واني بطبعي محبوبة وتصرفاتي متوازنة ومااسمح لاحد يتعدة حدودة وياية ومابينت للمقابل اني احبة..بس بعد هالمدة كلهة اكتشفت اني تعلقت بيه وهو هم بس هو مكظيهة صداقة وبس رغم مرات احسة يلمح لسالفة حب بس اني اغلس فلهذا سحبت نفسي من يمة وكتله اهلي عرفوا ماكدر بعدة نحجي هو كلي صار شي كتله لا بس ماريد مشاكل وهو احترم هالشي اني اخر سنة بالكلية وهو باقيلة سنة ويتخرج بس كل واحد غير كلية احنة نفس العمر بس هو راسب ..بس يوصلي كلام انو دائما بيوم اني غايبة هو يدور علية بس من بعيد ..واغلب اشياء ينزلهة اخر فترة حزينة ..واني احس شي ناقصني بس اتمنى احد يكلي هذا وهم وهو اتخلى بسرعة اني صح هسة داحاول اتجاوز الموضوع بس شي بداخلي مامقتنع اكول يمكن مجرد تعلق بيه وبس ..للعلم احنة بس حاجين ع مواقع تواصل وماملتقين بس مرة وحدة لان اني ارفض هالشي وحتى رقم تلفون مامنطيته .هو دائما من جنت وياه يخاف بيوم ماافتح عبالة رحت وعفته .شكرا للاجابة مقدما