هذا هو فتى أحلامي لكني خائفة من أسلوبه المعسول مع الجميع

.. أنا في السنوات الاولى من الجامعة و اعجبت بواحد بالسنوات الاخيرة و هو انسان اجتماعي و محبوب بدرجة أولى خاصة من جهة البنات ، البنات معجبات فيه مرة و هو شخصيته تجذب ما نكذب و لما تعرفت علبه اكتشفت انو شخصيته نفس شخصيتي تماما و بيننا تناغم فكري حلو حبيته و كان ما يسأل عني مباشرة لكنه يسأل من خلال الحالات الي انزلها في الواتس يعلق بعدين اذا رديت له يرد و بكذا نبدأ سواليفنا ، كنت احبانا اغازله بشكل مزاح و يردها لي بشكل مزح برضو و بعدين يت ابين له اني معجبة فيه و المح له و هو كان يلمح لي انه متقبل الوضع و عاجبه و خلينا نبدأ علاقة و كذا و انا اعرفه و اشوفه بالجامعة و جدا محترم و الخ ، بس عرفت انه كان يحب وحدة و قال انها اجمل فنرة في حياته و لكن الي بينهم انتهى من زمن طوويل و هنا خفتت حماستي لانو ابني علاقة معه لاني خفت انه يحن لها او يرجعوا يوم و انا م عمري حبيت اخاف احبه او اتعلق فيه اكثر و يجرحني ، غير كذا مرة نزل صور فيها البنات يغازلونه و يرد علبهم زي ما يرد علي بالضبط فع فت انو هذا اسلوبه و صرت مرة شاكة ما اعرف هل هو فعلا معجب فيني ؟ خاصة انو بينا نظرات كثير في الجامعة او هو كذا مع كل البنات و من بعدها ما تكلمت معاه ابدا و الان لنا يمكن شهر ما تكلمنا، و للحين افكر فيه مني عارفة ايش اسوي ما ابي اتهور و احب اعرف ان الموضوع صعب و مؤلم لو صار من طرف واحد و ما ابي اضيعه علي لانه حرفيا رجل احلامي بس خايفة ابدأ اي شي او انه ممكن يكون بس كذا مع الكل " لسان معسول و اسلوب " ، اشيروا علي عشان اعرف اقطع علاقتب فيه و احذفه او احاول اقويها ..