بسبب دراستي بالخارج تركني

السلام عليكم : انا عندي مشكلة وعم اعاني منها كتير كتيييير بسبب دراستي بالخارج تركني انا اتعرفت ع شب بالفيس بوك كنت وقتا مراهقة عمري ١٧ وضلينا مع بعض سنه تقريبا انا كنت مصدقتو وهو كان يحكي انو بيحبني ورح يتقدملي ،، انا كنت بنتظر لما ادخل الجامعة ولما قررت السفر لدولة اخرى من اجل الدراسة هون جن جنانو علي بس بيخانق وبيئلي يلي تروح جامعة تتعرف ع شباب وانو الجامعة كلا دعارة ومن هالحكي ،،،، فعصبت واتخانقت انا وياه وصار يئلي كلام جنسي بشع صرت ببكي جنيت بسبب حكيو وبعدا مباشرة تركني وما فيها اسبوع ورح خطب وبعد خطبتو بيومين رجع حكى معي انو سامحو وما ادعي عليه وانو غلطان بس انا ما قدرت سامحو ولا رديت عليه ،،،، صار لالنا تاركين هلا ٥ سنين وهو متزوج حاليا وعندو بنت ،، انا نفسيتي لهلا تعبانة بسبب الحكي يلي حكالي اياه وكل ما اتزكرو تتعب نفسيتي وببكي هالشي صار يأثر ع حياتي ودراستي ما عم بقدر انشى حكيو البشع انا بحياتي ما حكيت مع حدا غيرو وهو بيعرف انو انا مو هيك بس لما عرف انو انا بدي سافر وادرس جامعة جن جنانو مع العلم هو ما بايدو شهادة ،، وكمان انا مو زعلانه لانو تركني انا مجروحة من الحكي البشع يلي حكاه وانا بعرف هو حكاه منشان يأذيني بالنسبة لالي هو غلطة وبس .