أسئله كثيره لم اجد لها اجوبه

الحب والعلاقات العاطفية
animate

مساء الخير بتمنى لاقي عند زوار هاد الموقع جواب لاسئلتي انا فتاة عشرينيه ومعي شهادة ماستر والحمدلله متفوقه بدراستي من وانا صغيره تعودت ظل لحالي ويلي زرع في هالشيء سفرات اهلي وتنقلي بالسكنات ورفض اهلي حد يشاركني السكن فتجذرت في الوحده وكره الناس وهاد الشي عمل عندي فوبيا منهم وزاد ضعفي وانا شخصيه متزمة ورجعيه وجديه وصامته وما بتحكي هاي كلها ألقاب اطلقها علي اقربائي وزملاء الدراسه ولا أشعر بالقوة الا عندما اكون مع اهلي لشخصتي وفي عادات كتير غلط مثلا بكره الضو وال24ساعه ابوجورات غرفتي نازلين وبكره اقعد بالنور وأتناول الطعام وخصوصا عندما اكون بالجامعه في الحمام ولما كون مع اهلي عادي باكل قدام العالم ... خلصت دراسه واهلي بلحوا علي بضرورة اني اشتغل حتى اغير شخصيتي واكسر حاجز الضعف يلي انا في ... فكانت خطوتي الاول انه عملتلي حساب ع الفيسبوك مستعار ومع الأسف توغلت وغرقت وتعرفت ع شاب بدوي من سنتين وأحبني وأحببته في بادئ الأمر وحكالي قصة حياته وانو انا غيرته وما بيمسح لأكون حدا غيره وانه البدو ما بحبو الحرام ولازم تصير علاقتنا رسميه مع العلم انني لا احادثه سوى كتابة وفي روتين الحياة ليس الا .. واجبرني احكي لاهلي عنه وحكيت واعترضوا اهلي في البدايه لانه مش دارس وبعدين حكولي خليه يجي هلا أسئلتي :1/أنا بنت طموحه وعندي شغلات كتير بحياتي لازم اعملهم واولهم بدي اقوي شخصيتي وهاد بده وقت وبالزواج مش راح احققهم ؟2/انا وهو مش متكافئين أكاديميا ،فمش عارفه كيف راح تكون حياتنا مع انني ناقشته بهاد الشيء وحكالي بضمنلي ما في مشاكل وراح يدرس لحتى نتكافئ ؟3/أنا لما دخلت هاي العلاقه دخلتها بعشوائيه وتخبط ما كنت عارفه اني راح اوصل لهون وكثير بتهرب لما يفتحلي موضوع الزواج لانه انا ضعيفه وما بدي انجب اولاد اظلمهم بحياتهم لانه فاقد الشيء لا يعطيه إضافة الى انني لا ارى نفسي زوجه وحكتله هاد الشيء وانه ضميري بأنبني ولازم نترك بعض وما بدي اتزوج لا هو ولا غيره لكنه هددني بالخطف وانع حرم على حاله البنات وراح يستناني لأي وقت ؟4/هذا الشاب كان عليه قضية ثأر لأحد افراد اسرته ولما دخلت حياته قرر يقبل بالمبلغ المالي وينسى القضيه بس عشان يقدر يوفر مصاري لزواجنا ،ولدي خوف اذا صارحته بأنني لا اريد الزواج أن يعود لهذه القضيه واتحمل انا ذنبه ؟اقسم انني لم اكن اود ان اتسلى به ولكن مش عارفه كيف وليش هيك صار هاد الشي ما حال من لا تملك سوى الصمت والضعف والكأبه وانني لن اسعده وسأظلمه معي وأظلم أبناءه في المستقبل .. وحكتله هاد الشيء وكثير بلح علي أشوفه وحددنا موعد بمكان عام بس جواتي متردده و90%راح اروح بس مش راح التقيه ... دلوني شو أعمل

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي عزيزتي، انت محقة في انك تحتاجين لتطوير شخصيتك وحل مشاكلك قبل الزواج. الزواج ليس مهربا او حلا للمشاكل ومن الضروري ان تكوني مستعدة لمسؤوليات الزواج. لا تدعي هذا الشاب يمارس ضغوطات عليك ولا تذهبي الى هذا الموعد، انت لا تعرفينه حق المعرفة ولا تعرفين نواياه. الاختلاف في العلم سيكون سببا في ابتعاد وجهات النظر واختلاف الاّراء بشدة بينكم. نصيحتي لك ان تقطعي علاقتك بهذا الشاب وتفتحي صفحة جديدة في حياتك، ربما عانيت من الماضي لكنك الان قادرة على تغيير الحال. اطلبي مساندة اهلك واعملي وانخلطي بالناس فكل ذلك سيطور شخصيتك ويزيد ثقتك بنفسك. كذلك، من الافضل ان تستشيري طبيب نفسي ليوجهك في التغلب على ما يضايقك.
  • صورة علم Jordan
    صورة علم Jordan
    من مجهول
    شوفي الحل المفصلي لتقوي شخصيتك انك تتركي المعفن اللي اله قضية ثأر ومقظي حياته لاك ومحرم النساوين لعيونك وبيخظفك لو ما وافجتي عليه و وده يجابلك بالعيد ...لانه رح يكسرك وتعيشي معه متل الخدامه لانه ما بفهم للنساوين غير هيك..غير هيك وافقي عليه وخلي شخصيتك تتدمر قدام عيونك
  • animate

  • صورة علم Jordan
    صورة علم Jordan
    من مجهول
    شو الدوامة اللي داخلة فيها...شو هاد الوضع اللي سامحة لنفسك تعيشيه...ما بعرف من وين ابلش النصيحة بس وضعك صعب
  • صورة علم
    صورة علم
    من مجهول
    اختي العزيزة وافقي وتزوجي وليتحمل هو نتيجة اخياره هذا
  • صورة علم
    صورة علم
    من مجهول
    اسمحيلي احكيلك انتي بشو احسن منه الانسان لا بشهاداته ولا بتعليمه الانسان باخلاقه وشخصيته وانتي شخصيتك عدم وانتي عضعف شخصيتك لازم تاخذي واحد بخاف الله عشان ما يستغل ضعفك وطيبتك
  • صورة علم
    صورة علم
    من مجهول
    فعلا انتي ضعيفة شخصية لدرجة انك ماتقدري تقولي لا ولا تدافعي عن نفسك ابدا وترفضي صح انتي متعلمه ومن عائله متفتحه ولكن كله عالفاضي شخصيتك ترجعك صفر يعني كل دراستك وكل اللي بتسميه تعب وشايفه فيه نفسك عالفاضي لانه ما بتعرفي تتصرفي فانتي بحاجه لرجل مثل هذا قوي يعبي نقصك
  • صورة علم
    صورة علم
    من مجهول
    كثير ناس تعاني من الضعف في الشخصيه و انا وحده منهم بس لما عرف ناس كويسه ساعدتني كثير في حياتي كيف ادافع عن نفسي و كيف اني احاول اني ادافع و اجرب و اقوي قلبي كل هالاشياء لما جربتها لاول مره كان شعور جميل بشكلل ما تتخيلينه فانتي تحتاجين احد يوقف معك في البدايه يمكن يكون هو الشخص هذا الي راح يفتح لك ابواب كثير لشخصيتك و يساعدك في قراراتك الي مو قادره تتخذينها ، ثاني شي اذا على انه سالفه بدوي اعرف بنات كثير اخذو ناس اقل منهم مستوا تعليمي وكانوا افضل ب ١٠٠ ره من المتعلمين بكثير

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟