أحبه لكن ماضيه مع زميلته يزعجني

أحبه لكن ماضيه مع زميلته يزعجني، في واحد حبني في ملتقى بين دوامي ودوامه، وهالشخص تعب وحاول كثير عشان يوصلي عشان بس يتكلم معي، وفي يوم تعطلت سيارتي وساعدني، بعدها بدينا نتكلم وبديت اشوف اهتمامه فيني وفي تفاصيلي، و بعد فتره قصيره اعترف لي بحبه وانا اعترفت له باعجابي ، ولكن وضحت له انه المفروض يكون في شي رسمي بينا و هو حاليا يفاتح اهله في الموضوع

ولكن في شي صار خلاني اتوتر شوي وهو اني شكيت انه في شي بينه وبين وحده في نفس دوامه، ولما سألته نكر هالشي ، وصدقته منعاً للمشاكل ومرت الايام وصار موقف منها خلاني ارجع افتح الموضوع معاه من جديد و اضغط عليه عشان يقول و بالفعل اعترف انه كان في شي بينهم وانه على كلامه كان في اعجاب من طرف البنت الاول، وبالتالي هو بعد انعجب فيها، وكانو على علاقه ببعض فتره من الفترات وتركها قبل ما يتعرف علي ب سنه ، لما سألته كنت تحبها ؟ قال لا، مع انه كان يجيب لها هدايا ويقول لها كلام حلو وكانو يطلعون مع بعض بالسيارة

كنت مقرره اني اوقف تفكير لما حلف لي انه خلاص مافي شي بينهم واعتبر انه هالشي صار في الماضي وانتهى ، وطلبت منه انه يمسحها من مواقع التواصل الاجتماعي والمفروض على كلامه انه مسحها ولكن مش متاكده وقلبي ناغزني، الي قاهرني انه هالبنت معاه في الدوام بس من قسم ثاني ويقدر انه ما يتعامل معاها ولكن على حسب كلامه هو مضطر يتعامل معاها ، المشكله ان هالبنت بدات تسوي حركات غريبه عشان توضح انه في شي بينهم للجميع ،، ولما اساله ينكر ويقول لا مستحيل انا طلعتها من حياتي مستحيل ارجعها

ولكن انا مخي بيفكر ٢٤ ساعه في هالموضوع ، وكل ما افكر، احس بغصه ، انه ممكن يكون مسك ايدها او كان في بينهم اقتراب جسدي او تبادل قبلات ، ولما تجرأت وسالته اذا كان في شي يصير بينهم عصب علي وقال لا تذكريني بشيء في الماضي وانتهى، انا ما حابه اعصبه ولكن ابغى اطمن واحس اني بكون الاولى في كل شي في حياته، كيف اتصرف معاه وشو اقوله او شو اسوي في هالموضوع، ساعدوني لاني احبه ولكن اخاف انه يكون مستغفلني