السؤال

قبل 7 شهر (14 اجابه)
14 اجابه

زوجي شخص مريض امام الناس ملاك ومعي شيطان

انا تعبت من كل الظروف اللي مريت فيها من ونا صغيره والمشاكل بتكبر معي.. وبضل صابره ومتحمله وصعب ابين اني ضعيفه لاخر نفس بضل ابين اني قويه مع اني بكون ببكي من جواتي.. انا قصتي طويله كتير وانا موصله لمرحله صرت احس الحكي بيتعبني بس بدي احكي ع اخر شي عم بيصير معي.. انا متجوزه وعندي بنت طبعا اتجوزت من شخص ما بدياه حبيت مره وحده بحياتي ومش قادره احب حدا بعدو حتا جوزي.. المشكله مش بمشاعر الحب والحكي هاد لانو انا قلبي مات واتعودت ع الشي بس.. جوزي انسان مريض وانا مرضت من وراه ما بعرف شو بتهيأله شو براسه ما بعرف يوم بكون ملاك وباقي الايام بخترع مشاكل بصير شيطان بكل معنى الكلمه شك وضرب واهانات وحاول يقتلني مرتين مره علقلي حبل مشنقه والثانيه ربطني وضل يخنق فيا.. المشكله انا شهادتي مجروحه قدام الكل لانو عصبيه واحكي بصوت عالي وهو قدام الناس بعمل حالو ملاك ويموت فيا ويطلع من كل المواضيع انو بمزح معها انا انفصمت اقسم بالله مرضت ما حدا كان يصدقني لحد اخر مشكله فتح الفيس بوك تبعي وهو ما كان بيعرف انو عندي فيس وشاف محادثه قديمه بيني وبين الشخص اللي حبيته واصلا المحادثه جدا عاديه لا فيها حكي حب ولا اي اشي منحرف اخلاقيا كلها هبل وكيفك وكيف حياتك وبنعلق ع شباب وبنات حارتنا انو اللي اتجوز وشو صار مع فلان وفلانه بحكم انو كان ابن جيرانا وبيعرفني من لما كان عمري 13 سنه.. ولما اتجوزت جوزي كنت حاكيله عنو وانو ما بدياه لاني بحبو مع هيك ضل وراي هو واهلي وجوزونا.. واللي بحبه اصلا سافر وترك البلد من وقتها بس صدقت ولقينا بعض عالفيس ومجرد حكي عابر.. المهم انو جوزي كسر تلفوني وضربني وما خلا فعل حرام الا سواه معي حتى خلاني اشرب غصب وسمعني حكي كبيير كتير وهاني صار ع الطلعه والنزله يحكيلي شو رايك ااجر عليكي وحكي يعني زفت باختصار.. بس بعد فتره اكتشفت انو اهلو عندهم شويه معلومات عن هالموضوع مع العلم انا اتحملت اهاناتو وحكيو واستخطيت حالي وحكيت خلص معصب وحقو وحكتلو بدك انطلق عادي بنتطلق وانا ما بدي اشي منك.. بعد فتره الله هداه وحلفنا يمين عالقرٱن انو هالموضوع يتسكر وافتح صفحه جديده وهو يتغير وانا اتغير.. اللي صار بترن علي اختو وصارت تغلط علي شوي شوي بكشف انو معهم خبر بس مش متأكدين بس حسبي الله صار يتبلوني بعرضي واني انا بزبط ازواجهم واني بجيب شباب عندي اشي بخصني اقسم بالله تعبت والمشكله جوزي صافف معهم وهو عارف ما في منو هالحكي والنتيجه صارلي اكتر من تمن شهور لا معي تلفون ولا بحكي مع حد حتا اهلي بحكي من تلفونو بس يجي عالبيت وعليه تسجيل مكالمات ولا بطلع نهائيا من البيت ما بشوف الضو انا عايشه بحبس لك حتى ازا بسهر عالتلفزيون بشك اني بعمل اشي انا اساسا ببعت من تلفونو حاليا.. قطعني عن كل اشي الناس وصحباتي واهلي انا متغربه عن اهلي عايشه بمكان بعيد عنهم.. بطلت احس باشي لا بحس بجوع ولا حتا لما انام بصحى تعبانه.. وهو دايما برا البيت بيجي بياكل وبنام لك حتا بطلت اعرف احكي وصرت اكسر كتير واعصب وبدخن بالهبل.. انا عندي بنت منو عمرها سنه ونص قلبي بيقطع عليها ما بتطلع نهائيا محبوسه معي.. بطلت احس اني كائن حي اصلا.. واهلي قصه تانيه ابوي متوفي واخواني اول كلمه حكوها الله لا يردها.. انا يئست بتوقع الموت اريح اشي بس اللي كاسرني بنتي لانو رح تصفي لحالها لا اهل جوزي بحبوها ولا ابوها حتا سائل فيها وانا اهلي هه بالمختصر ما الي اهل يعني حتا افكر بالطلاق وين بدي اروح وكيف بدي اعيش.. وكرامتي اندعس عليها ولحد اللحظه هاي اهلو بشهرو فيا قدام الناس وانا من جواتي نار لانو والله العظيم كلها قصص انا بريئه منها

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

يا سيدتي يوجد في الردن وحدة حماية الأسرة في مديرية الأمن العام وتأسست كإدارة شرطية متخصصة في التعامل مع حالات العنف الأسري والاعتداءات الجنسية ضمن منظومة عمل أساسها السرية والخصوصية والتشاركية مع الجهات المختصة، يمكنك الابلاغ فيها عن ما تتعرضين له من زوجك وخاصة قضية انه حاول قتلك، فهو خطر ليس عليك بل وعلى ابنتك، ويبدو أن الحبة عنده بتصير قبة، وبتكبر الاشياء في باله، ويمكنك التبليغ عن طريق النت على الرابط التالي: http://www.psd.gov.jo/index.php/ar/2015-07-09-16-20-10 وهذه تفاصيل للاتصال بهم: المحافظة : العاصمة المدينة : عمان الحي : حي الرونق الشارع : شارع الرونق ممر فهمي رقم البناية: 16 هاتف ارضي : 5815826 5815846 5815838 فاكس مدني : 5815675 مديرية الأمن العام الرمز البريدي ( 11110 ) صندوق بريد رقم : ( 935 ) وإن لم تتمكني من فعل هذا، عليك بمسايرته فهو زوجك، حاولي أن تضميه لك، حاولي ان تجعليه في صفك، حاولي التودد له لتعود علاقتكما مثل السابق، اطوي صفحة قديمة، وابدأي من جديد. حاولي ان تتحدثي مع أحد كبير في العائلة، اذهبي وأدخلي عليه ان يساعدك، واحتمي به ليساعدك في الطلاق او الصلح. وربي يكون لك معين

كل التفاصيل التي ذكرتيها مهمة لكن الأهم من كل هذا أن زوجك حاول قتلك مرتين وربما يفلح في المرة الثالثة، هو شخص مريض بالتأكيد وربما مرض ذهاني. ربما من الأفضل أن تلجئي إلى ملاجئي إيواء النساء المعنفات حتى تبقي على حياتك وحياة ابنتك. الوضع خطير جدا على حياتك.

قبل 6 شهر

ﻻحول وﻻقوة الا بالله. كان الله معك وجعل لك مخرجا يريحك من دون ابتﻻء لك وﻻفتنة . اكثري من اﻻستغفار والصﻻة والقران. استغلي وقتك بحفظ كتاب الله وعليك بصﻻة الليل والدعاء في الثلث اﻻخير .وان شاء الله يجعل الله لك مخرجا وفرجا .

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه