زوجي تحول من ملاك إلى شيطان بعد عودة زوجته الأولى

اتجوزت ابن خال بابا وبعد الجواز بفتره لقيت نفسى مش بحبه ابدا وارتكبت ذنب الخيانه كذا مره لكن توبت وندمت على فعلى وكان ضعيف الشخصيه جدا ومعندوش أى هدف وتافه وكان بخيل ويشتم وانا كنت اصغر منه ب١٥ سنه حياتنا كلها بقت خلافات بسبب المصاريف وضعف شخصيته وكمان انا كنت بعيده عن ربنا لكن والله كنت دائما اتوب واستغفر وكنت كل فتره اغضب واروح عند اهلى ويرجع يتاسف ويقول إنه مستحيل يعيش من غيرى وأنه هيتغير لكن السبب الرئيسى انى مكنتش بحبه وحصل الطلاق وكان دائما يدعى عليا ويقول إنى ظلمته بعد سنه تزوجت من شخص متزوج وكان يحبنى حب كبير جدا لا يوصف وانا كمان حبيته اكتر منه وتزوجنا وعشنا اجمل ايام وراحت مراته عند اهلها لمدة سنه ورفضت الرجوع غير بشروط ماديه ونفذها وبعد رجوعها باسبوع اتغير وتحول من ملاك لشيطان وطلب منى الاعتذار لزوجته على زواجنا ولمح أنه مش عايز يستمر ف الجواز وروحت لأهلى ودلوقتى ليا ٣شهور محاولش يكلمنى ولا مره وبيتهرب من كل اللى يكلمه ف الموضوع وانا حامل فى الشهر التاسع عايزه اعرف ده ذنب زوجى الاول رغم انى تغيرت تماما وأصبحت ملتزمه ومتدينه واستغفر كتير