السؤال

قبل 3 شهر (24 اجابه)
24 اجابه

هل اتخلى عن طفلي المعاق

هل اتخلى عن طفلي المعاق

هل اتخلى عن طفلي المعاق مشكلتي كبيرة وكل مشاكل الحياة كوم وهذه المشكله كوم ثاني انا عندي ولد معاق عمره 11 سنه ومن لما ولدته وانا عايشه بجحيم. ابني معاق عقليا ولكن حركته كثيره بشكل مش طبيعي بكسر وبخرب اغراض البيت والمطبخ وبيأذي اخوانه بيحاول يلعب معهم بالسكاكين والادوات الحاده او اي اشي هو ما بيفهم انه خطر لدرجة انه انا محرومه من كل اشي بالحياة بسبب اني ما بقدر اتركه ولما ييجو ضيوف ما بتركهم بحالهم بيلعب بانفهم واذانهم البنات بشد شعرهم كبار و صغار وبيرمي اغراضهم والاخطر من هيك انه بالفتره الاخيره الجيران بيشتكوا منه انه بيطلع على البلكون وبيخلع ملابسه وبيعمل حركات غريبه ومن فترة في مركز فتح لذوي الاحتياجات الخاصة واكثر من مره عرضوا علينا ان ياخذوا ابني المعاق مقابل مبلغ مالي بالشهر وانا مش عارفه خايفه ما يعاملوا ابني منيح اويعاملوه بقسوة لانه ابني وبعرفه جدا شقي بدي رأيكم بالموضوع هل اتخلى عن طفلي رغم والله اني بحبه ومابقدر اعيش من دونه اصلا انا حياتي على شانه ومن لما ولدته حياتي الاجتماعيه صفر وحتى ولادي ما بهتم فيهم فشو اعمل هل اسلمه للمركز ولا اصبر واتحمل واجري على الله واكمل رسالتي بالحياة معه

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

يا ابنتي هذا حق من حقوقه عليك ان تضعيه في مدرسة تعرف كيف تتعامل معه. وانت لا تتخلين عنه، هو في مدرسة وتحت رعاية وتدفعين له المال مقابل ذلك، وعليك ان تطلي عليه كل يوم وترينه، خصصي له وقت يومي له حتى يبقى على اتصال بك، ويمكنه الحضور في الاعياد والعطل لارسمية مثلا. يا سيدتي الاصل حمايته من نفسه، وهذه المراكز متخصصة لذلك وانت لديك عائلة كبيرة لها عليك حق كذلك، نحن نرسل اولادنا الى الغربة والسكن الداخلي لاجل الدراسة لما فيه من مصلحة لهم. لماذا تسمينه تخلي؟؟؟ انت لا تتخلين عنه، انت توفرين له الحياة المناسبة له مع اشخاص اخصائيين في ذلك، هم يعرفون افضل منك كيف يتعاملون معه. وانت لن ترفضي رؤيته ومتابعته، وسيبقى ابنك ويحمل اسم ابيه لا تقلقي ابدًا ولا تفكري سلبيا ولكن ضعي قرار بتحديد وقت مخصص له كل يوم، وزيارته واخوته ليبقوا على معرفة به، ويمكنهم تقضية بعض الوقت معه. وتأكدي من ان تذكريهم دوما باخيهم وانه واجب على الجميع زيارته والبقاء على اتصال معه تابعي مع المراقبين والمعلمين، وحددي معهم المهارات التي يتقنها ليتعلمها مثل ما تبعثي اي واحد من اولادك للمدرسة. ولماذا هي مراكز متخصصة، لتحل مثل هذه المشاكل توكلي على الله وارسليه.

قبل 3 شهر

ان الطفل المعاق عاده بكون مثل الطفل العادي بس بحتاج لمعامله خاصه اكتر يعني ممكن السلوك هذا يعملو طفل عادي بس بحتاج لصبر منك وتحاولي انك تعلميه الصح والخطا وبعض السلوكيات سواء كان بنفسك او بمساعده خبير مختص وممكن تدخليه مركز لزوي الاحتياجات الخاصه بس بدوام جزئ عشان بالرغم من دور المركز الا ان دورك مهم جدا بس باكد ليك بحتاج منك صبر

قبل 3 شهر

يا قلبي انتي ما عم تتخلي عنه بالعكس انتي عم تهيئي هالطفل للمستقبل . انتي عم تهملي باخواته كرماله . فكرتي بعد عمر طويل شو رح يصير فيه؟ انتي غير قادره تشذبي تصرفاته وتعلميه يعتمد على حاله . طيب والعمر الطويل الك وللاب فكري مين رح يتحمله؟؟؟؟ الصهر او الكنه؟ كلاهم غير مجبور نهائيا واجبك تضعي الطفل بمركز يعلمه ويهذبه ولو قسيو عليه بالبدايه مع الزمن بيتعلم النظام والانضباط وكيف يعتمد على نفسه بالاضافه لهيك انتي عم تخسري باقي اطفالك يلي الهم عليكي حق. ذكرتيني بجارتنا نفس مشكلتك. اقسم بالله متخيلي شو بصير معك لانو كلنا عشنا معاناتا . رفضت اخراج ابنها المعاق من المنزل . الان عمره ٥٠ سنه هي على ابواب الثمانين الاخوه مهاجرين كلن. اساسا غلى ١٧ يهربو من المنزل بسبب المعاناه يلي يعيشوها يوميا مع اخاهم يلي يضرب ويكسر . كل الناس وصلت ترفض تدخل عندهم وتزورهم لماذا؟ لانه ضرب الجاره وفقأ لها عينها. وعي وضل يخلع ملابسه مين رح يسترجي يدخل حتى الاقارب ما بفوتو !! لديها اربع بنات واربع صبيان بس عدم المؤاخذه كلهم بتحسيهن عصبيتهم جنونيه ومعقدين بتخافي منهم . ازا اتو زياره نتجنب نزوهم والان هي تناشد ابنائها انو ياخدو اخاهم المعاق لعندن علد ازا الله اخد امانته تكون مأمنه عليه . طبعا ولا كنه قبلت . وحقها هي امه متحملاتو بس فكري فيها . الكنه محرمه عليه وازواجن بيجو بالليل مين رح يحممه مين رح يغسل وراه. مشكلته كمان يرفض استعمال المرحاض بالليل والصبح بلزمك تغسلي كل شي. مين بيقدر يتحمل ضربه كان يضرب هو وصغير وكنا بس يفتح الباب نقبع بالركض كتبتلك معاناتن بالتفصيل لاشرحلك واوصلك فكرتي انو امامك عجز ولازم تأمني هالولد قبل ما يكبر وما بعود ولا مركز يقبله متل ما صار بجيرانا . واخواته لو قبلوه زوجاتهم لا شرع ولا دين بيجبرهم ونصيحتي لا تخسري بقيه اولادك . هو هاد قدره حطيه يعيش بين اطفال متله حقه يعيش حياه تتناسب مع وضعه مش تحبسيه وتنحبسي وتخلي عن حنانك الزائد يلي رح يجبلك الويلات متل جارتنا. يلي لحد الان مش مقتنعه انها غلطت وبتدعي على كناينها لانو مش قابلين يخدموه والاتي اعظم وازا الله اخد امانتو ولا حتى اهلي مستعدين يطلو عليه من شراسته ما تتركي ابنك لهاد المصير المجهول

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه