السؤال

قبل 3 شهر (4 اجابه)
4 اجابه

اسمع شتيمتهم لي في كل الاوقات

لو سمحت حل لى هذه المشكله انا متزوجه من رجل ونعم الزوج ولكن اهله مش ممكن العالم الغجر اللى انا عايشه معاهم اخوه للا سف تزوج من بنت اختى وكنت انا وبنت اختى سلايف ولكن اخوه يفرق عنه فرق السما من الارض اخوة بيسب الدين وبيشرب وانا غريبه مش من بلدهم ومكنتش اعرف حاجه عنه وقلت الى اختى انا مش عارفه حاجه عنه خالص لانى مش من هنا ومش فيه اختلاط ولكن بعد اتمام الزواجبدا اخو زوجى يضرب ويسب الدين الى بنت اختى هى مؤهل عالى وهو دبلوم لكن زوجى مدرس وانا ايضا مدرسه اخو زوجى شغال فى شرم الشيخ بنت اختى للاسف حملت على طول ولم تعد تتحمل ضربه واهانته المستمرة وسب الدين كل خمس دقايق وضربها وهى حامل اكتر من خمس مرات ومشاكل مستمرة لو قعدت احكى مش حيكفى اسبوع زوجى كان ملام مش عارف يعمل اه مع اخوة وبنت اختى اهل زوجى يبرروا كل حاجه الى ابنهم ويقولوا اه يعنى لمل يشرب ترامادول وحشيش وحبوب الجماع اه يعنى لما يضربها ما كل النسوان بتنضرب كسر مرة اسنانها يقولوا اه يعنى لما بيشرب مش بيكون فى وعيه تستحمل زى النسوان ولكن بنت اختى قالت حطلق يعنى حطلق انا غلطانه من الاول اللى اخدت واحد بدبلوم وانا مؤهل عالى تفكيرنا مختلف تماما ده كل اصحابه صيع على القهوة وبيشربوا سوا وفضلوا فى محاكم خمس سنين وهى غضبانه مش قعدت فى شقتها شهر على بعضه اهله يصلحوها يضربها ويهينها وتمشى تانى وهكذا ولكن مشكلتى انا ان هما كل ما تغضب يقعدوا يشتموا فيها وفى امها اللى هى اختى ويشتموا اختى بامى وابويا يعنى يقولوا امها بنت ستين كلب امها بنت الوسخه يعنى عاملين روحهم بيشتموا اختى لكن كان بيشتمونى اناليل نهار اوسخ شتيمه سمعتها فى حياتى و بقالى خمس سنين فى الحال ده سامعه الشتيمه ومش برد وزوجى يقولى معلشى حقك عليه ربنا بكرة حينتقم منهم وعملوا كاهم عليه رباطيه مفيش حد بيكلمنى منهم ولا حمايا ولا حماتى ولا بناتها ولا ولادها ولا السلايف نبهوا عليهم كلهم حتى اولاد سلايفى اللى كانوا بيقولوا اذيك يا مرات عمى نبهوا عليهم كلهم بنات واولاد العيال بتبصلى من فوق الى تحت ومش يرموا عليه السلام انزل القيهم قا عدين اقول السلام عليكم محدش يرد وزوجى يقولى انتى اللى اخدتى الثواب ودول حبة ظلمه مع بعض المهم من الواضح ان سكوتى على شتيمتهم خلاهم زادوا فيها على الاخر لانهم بيشتموا الشتيمه بتاعت العربجيه وانا مش اقدر اكتب هذه الالفاظ ويخلوا زوجى فى الشغل ويجوا اخواته البنات يشتموا فيه وفى اختى وبنت اختى اوسخ الالفاظ طيب اختى وبنت اختى مش هنا غضبانه والواد بيقول مش حطلق وحسيبها كده والشتيمه كلها موجهه ليه انا وسلايفى اللى حسبى الله ونعم الوكيل فيهم عاملين يقوهم عليه ويشعللوا فيها نار ضغطت على زوجى انى حمشى واسيب البيت ده قعد يتحايل عليه ويقول زهقت من كتر الخناق معاهم علشانك واخواته البنات بيشتموه قدامى ويقولوا عليه انت الخروف بتاعها استحملت ايوة استحملت كتير ومش عنت قادرة استحمل اكتر من كده وعايزه اطلق وامشى من وسط العالم الزباله دية مش عنت قادرة اسمع الالفاظ اللى مش قادره اقولك عليها ودلوقتى لو شفونى قافله الباب علشان مش اسمع شتيمتهم يطلعوا السلم ليه فوق ويقفوا قدام باب الشقه ويشتموا هل عدم ردى هو اللى خلاهم يتمادوا فى الغلط ولو رديت لايمكن حشتم زيهم لانى متربيه ومؤدبه ومعلمة اجيال وكل ما انزل يحرقوا دمى بالشتيمه والاهانه والتف وعدم الرد على سلامى وعلى قلة ادب العيال معايا اولاد سلايفى اللى انا بدرس الى عيال قدهم لكن كلمتى المعتاده هى حسبى الله ونعم الوكيل وفى سجودى وفى كل دقيقه على هؤلاء الظلمه والله بصحى من النوم الصبح على شتيمتهم فينا وصوتهم مسمع كل الناس فى الشارع وصوتهم وصلى فى الدور التالت وكل ما عيل من اولادى يعدى عليهم يشتموه ويطلع ابنى يقولى ويشتموه بامه وابو اللى جاب امه حرام مشعنت قادره استحمل اكتر من كده ومش صعبان عليه غير زوجى اللى بيحبنى جدا وزعلان عليه ويقولى حقك عليه علشان خاطرى اصبرى لكن صعب جدا لما تكون عايش فى عماره مليانه شقق فيها اخوات وسلايف وحمايا وحماتى وعيال كلهم مش بيحترموك رغم ان انت فى خارج هذه العماره لك مكانتك الاجتماعيه وقلت الى زوجى شوف ليه شقه بره ايجار قال مش حقدر على الايجار وفعلا مش نقدر على الايجار يعنى قدرى انى افضل فى وسط هذا المستنقع وانا لم اعد اتحمل فماذا افعل بالله عليكم افيدونى دموعى قربت تخلص من كتر البكاء

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

ما يريح في قصتك ان زوجك يختلف تماما عنهم وهو رجل طيب ويدعمك. ولكن هذا لا يكفي، يمكنك ان تبحثي عن غرفة وصالة وتأجري بيتك الذي تسكنينه وتخرجي من هذا المستنقع كما قلت. الطلاق والعودة لبيت اهلك مش حل ابدًا. يجب ان تبقي مع زوجك لانه يحبك، ولكن عليكما انت وهو ان تفكرا ودون اخبار العائلة عن مخرج للخروج من هذا لابيت باي طريقة وباي حال حتى لو تسكنوا في غرفة عند ناس اقارب، ومن ايجار بيتكم يمكنكم استئجار بيت اخر. وبالطبع يجب ان لا تردي عليهم لانك من اظمين الغيظ، ولا يجوز رد السيئة بالسيئة مهما تمادوا. وبالنسبة لبنت اختك سب الذات الالهية يجعل زوجها خارج الملة وهي طالق منه في الفتوى الشرعية، تأكدي من ان الشيخ او القاضي يعرف هذه القصة، وبهذا تكون طالق منه بالشرع غصب عنه. وانت ركزي تفكيرك على اولادك وتربيتهم، سياتي يوم يتعبون فيه، ويملون وتبقين انت طافية كالزيت فوقهم كلهم بحسن اخلاقك تربيتك، وبمحية زوجك ودعمه لك. موفقة

قبل 3 شهر

حسبي الله ونعم الوكيل فيهم يعني هم شافوك ساكته و كاظمة الغيط فتمادوا اكثر و اكثر في اسائتهم لك ! تأكدي تماما انه رب العالمين رح ياخذ لك حقك منهم و ما رح يستمر الظلم

قبل 3 شهر

عزيزتي انت مش مضطرة انك تتحمليهم يعني تحملتي بما فيه الكفاية و الان حان الوقت انك توقفيهم عند حدهم و تبعدي عن هذا الجو المريض و المشحون ..لانه هذا كله بيأثر على نفسيتك و على تربيتك لازلادك و تعاملك مع زوجك

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه