السؤال

قبل 1 سنة (38 اجابه)
38 اجابه

بنتي ماتت بموافقة ولي الامر

بنتي ماتت بين ادي ماتت وما قدرت اعملها شي والحجة شو مافي موفقة الاب الظالم. بحكي قصتي وراح اضل احكي فيها حتى ما يموت طفل ثاني بسبب القوانين الغريبة مافيها انسانية . مراة متوزجة وعمري 24 سنة كانت بنتي تلعب ووقعت اخذتها انا واخوي للمستشفى لانه الاب مش موجود وتاركنا عند اهلي وما بده يرجعني للبيت وفاتت الطوارىء وعملو اللازم بسرعة لكن البنت كانت تتراجع وتزيد حالتها فاخذوها للتصوير وطلبوا الاخصائي وقالو عندها نزيف داخلي ومحتاج عملية سريعة بسبب تهتك بالاعصاب ونزيف داخلي وش عارفة شو كمان.وكان كبير الاطباء بالمستشفى موجود واتعاطف معي ومع البنت وطلب التجهيز للعملية بسرعة لكن طلبو موافقة الاب ويحضر بسرعة لانها عملية خطرة وفي نقل دم وتحمل مسؤلية حكيتلهم الوضع وانه تاركنا من سنة وما بعرف عنا اشي لكن اصرو عشان هيك القوانين لازم موافقة ولي الامر وطبعا حاولت واتصل فيه رفض يجي وقلي دبري حالك وبعدين سكر تلفونه واعتذرت المستشفى لانها مابقدرو يحملو المسؤولية وحطو البنت بالعناية المركزة واجلو العملية لحين حضور ولي الامر وبعد ساعات البنت الي كانت بغيبوبة وقف جسمها عن التجاوب وماتت وراحت ضحيت موافقة ولي امر فاشل ظالم وقوانين ظالمة اكتر وانا صابني انهيار عصبي من الصدمة بنتي خلال اكم ساعة راحت من بين ادي وهي كانت امل الوحيد في الحياة والي مصبرني على حياتي الله يحمي ولادكم وما يورجيكم فيهم اذى يا رب.كيف حالة انسانية مثل هيك بضيع بسبب قوانين ظالمة تقول لازم موافقة ولي الامر؟ ومعقول اب يستهتر بحياة بنته بهالطريقة؟ مين الي الي قتل بنتي القوانين ولا زوجي الي الله لا يسامحه؟

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

القانون. هو المفروض الذي يكون حكيما ،،، في دول اخرى وفي حالات كهذه من حق الطبيب ان يجري ما يلزم اجراءه بغض النظر حتى عن وجود الاهل ،،،، ولكن يبدو ان مشاكل كثيرة ظهرت هناك مما ادت بالاطباء ان يتخوفوا من انقاذ حياة المريض الله يصبرك ويعينك

قبل 6 شهر

عيشي حياتك وجيبي اطفال ينفعونك لما تكبرين

قبل 6 شهر

بسم الله الرحمن الرحيم البقاء لله احتسبى ابنتك عند الله واصبرى على المصائب لعل الله وضعك فى هذا الاختبار لحكمة يعلمها هو.

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه