السؤال

قبل 9 شهر (7 اجابه)
7 اجابه

أبوي بياخد راتبي ..وبعطيني مصروف!

أصعب اشي بالعالم يكون وقف الزمن عند أهلك ويفكروا إنك لسا الولد الصغير الي لازم يعملوله كل اشي لانه ما بيعرف يتصرف بس انا مش البنت الصغيرة ابدا انا عمري 25 سنة ولسا اهلي بفكروا انه لازم يضلوا اوصياء علي وعلى تصرفاتي حتى لما اشتغلت وصرت المفروض "مستقلة" لسا اهلي مش مستوعبين الوضع تخيلوا انه ابوي بياخد راتبي اول كل شهر وهو بيعطيني المصروف الي بشوفه مناسب وبكفيني بحجة انه انا مش عارفة مصلحتي! وانه انا رح اخد راتبي واصرفه ..طب ما انا بشتغل مشان اصرفه! نفسي احس بادنى درجات الاستقلالية نفسي اتمتع براتبي زي اي حدا بشتغل تخيلوا هالامور البسيطة الي الناس بعيشوها وبحسوها على اساس انها من المسلمّات هي وحدة من امنيات حياتي .. قديش مزعج الشعور انه انا كل ما بدي اشي بروح عنده وبقعد اشرحله وبيصير يقلي مش وقته وشفتي ليش باخد راتبك لانك ما بتعرفي تشتري وتتصرفي! انا اشتغلت مشان ما اضل كل ما بدي شغلة اقعد افتح مليون موشح و600 تبرير أنا تعبت وزهقت وصارت تيجي افكار في راسي انه بتمنى ابوي يموت تخيلوا! مشان شغلة سخيفة زي الراتب صارت تيجي وساوس على راسي هيك! ساعدوني حلوها؟

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

لك الحق ان تتضايقي فانت راشدة وتعملين ولك كل الحق في التصرف براتبك. 1. أنصحك ان تشرحي لأبيك بأنك راشدة وانه من اللازم ان تتحكمي براتبك حتى تتدربي على عمل موازنة والصرف بحكمة وان بامكانه ان يوجهك وينصحك باستمرار. 2. أما في حال رفض بشدة فيمكنك ان تطلبي من عملك تحويل راتبك الى حساب بنك جديد لا يستطيع والدك الدخول عليه. 3. واجهي الوالد وتأكدي انه لا يفعل ذلك لأنه بحاجة لمرتبك ففي هذه الحالة اتفقي معه على المساهمة بجزء من مرتبك في مصاريف البيت.

قبل 1 سنة

بصراحة الحل واضح انا مش عارفة ليش لسا عم تسألي اتركي الشغل طبعا ما انتي هيك هيك مو مستفيدة الا التعب والنتيجة واحدة وبكل الاحوال عم تطلبي من ابوكي مصاري

قبل 1 سنة

لا اله الا الله وضعك بحزن عالاخر يا بنتي اسمعي مني تجوزي أول واحد بيجي يتقدملك واخلصي

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه