السؤال

قبل 2 شهر (6 اجابه)
6 اجابه

خوفي من الله جعلني ابتعد عنه

مرحبا ،، انا بنت واعيه و كتير بحس حالي عاقله ، كنت مقرره طول فترة الجامعه اني ما اتعرف على شب ولا حتى اسمح لحالي احب ، لانه مشاعري غاليه علي وما حد بضمن المستقبل ، حتى بعد ما تخرجت ضليت هيك ، بس متل ما بتعرفوا دوام الحال من المحال خلال فترة التدريب بعد الدراسه وباخرها تعرفت على شب شفته بنظري غير عن الكل و المحبه و الحب مو بالايد وهو عرف جوهري و احترمنا بعد لابعد الحدود علاقتنا كانت ضمن الدراسه و التدريب بس خلال هاي الفتره صارت تنمو جواتنا مشاعر الحب ما قدرنا نخبي على بعض و الشب كتير بحبني والحب ببين ما بتخبى من الاهتمام و الاحترام ، علاقتنا ما تعدت حدود الادب وصارلنا فتره منيحه بنعرف بعض ، بس انا ضميري كتير بأنبي من ناحية علاقتي بربي ، ومن ما بدي علاقة مجهولة المستقبل ، قلتله خلص ما بقدر اكمل معك ، انجن وما تحمل ، وقلي انه هو بتمنى اضل معه بهاي الفتره وانه ظروفي حاليا ما بتسمح انه يرتبط وفعلا هو هيك ، وانه بس يصير قد حاله رح يرجعلي ، انا صارلي يوم مبعده عنه بس مو متحمله وهو كمان انا حاسه فيه تعبان هو شب كتير صادق ما عمري شفت انه قال شي وما عمل وتحملني كتير سأل عني بعد ما قلتله ما بدنا نكمل خلص حتى المهم اخر شي قلتله انا بدي اضل معك لانه البعد جفى ورح اتحمل كل ظروفك ، هو قلي خلينا نحكي بعدين لانه عندو مشكله عائليه وهو زعلان كتير ، قلتله اوك . شو رأيكم باللي صار ، بتمنى تتفهموني بقلبكم و عقلكم

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

انت فتاه مستقيمه وعلاقتك بهذا الشاب لم تتعدى حدود الادب ولكن الافضل لك وله ان ترتبطا رسميا بخطوبه فقط ولو طالت مدتها ، يحسن خلالها اوضاعه العائلية والماديه . تستطيعين خلال الخطوبه ان تعملي وتدخري واياه بعض المال ليساعدكما في اول حياتكما الزوجيه . لا ترضي ان تطول فتره العلاقه بينكما من دون ارتباط رسمي ، لا تضيعي سدى سنوات من عمرك قد يأتيك بعدها ويقول بعد كل هذا الانتظار انه لا يستطيع ان يفي بوعده او ان يقول لك ان مشاعره تغيرت نحوك . اذا اقنعت اهلك به ، تصبرين عليه حتى ينتهي من كل ما يعيقه لاتمام الزواج ولكل مشكله وانتما مرتبطان حل بمساعده اهلك واهله.

قبل 2 شهر

قد لا تسمح ظروفه الماليه بالارتباط بك حتى بعد عدة سنوات فهل ستنتظرين سمكه في بحر وهل ستقبلين بحياة الفقر -وماذا لو غير رأيه في منتصف الطريق وماذا لو جاءك عريس بظروف افضل من ظروف هذا الشاب --الافضل ان تبقي بعيده فإذا كان له نصيب لن ياتيك عريس افضل منه --علما بان من الافضل ان يكون العريس اكبر منك سنا ومكون نفسه -بيت مستقل ودخل جيد فكري بعقلك ولا تفكري بقلبك

قبل 2 شهر

شو دخل عدم الاستعداد بالخطبة؟....انتي غلطانة كتير. لو بيحبك خليه يخطبك بالحلال. حتى لو مفلس بس على الأقل يتقدم ويطلبك من أهلك وبس استطاع وقتها بتتجوزو. (هذا إن كان صادق). أما لو استمريتي على الحرام لن تحصدي إلا التعاسة والندم. رح يرميكي في الأخير بعد ما يكون علقك فيه ليس بالضرورة لأنه سيء ولكن الحب بيروح وبيجي واذا عطيتيه اللي بده اياه هلق حتفتر المشاعر ويتركك. اقطعي علاقتك فيه. وتوبي لربك وإن شاء الله حتنالي مرادك

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه