اكتشفت وجود مشاعر بين زوجي وأختي

السلام عليكم، جوزي وأختي من زمان وهم واخدين على بعض، بيهزروا ويتكلموا كثير قدامي، وعمري ما فكرت إن ممكن يحصل حاجة بينهم، واكتشفت وجود مشاعر بين زوجي وأختي، جيت اتخانقت معاهم قبل كده، وبعد فترة رجع الوضع تاني، فسكت لأني كل ما بواجههم بيزعلوني بالكلام

الأيام دي كنت في فرح، وانزعجت وزعلانة لوحدي من غير ما يحصل أي حاجة، جوزي سألني: “مالك؟ زعلانة ليه؟” قلت له: “مفيش”، فافتكر إني عرفت، وقال لي: “حصل بيني وبين أختك مكالمة ومسكة إيد، وهي قالتلي،،،” وقال إنهم الاتنين غلطانين وندمانين، وقال لي: “اعملي اللي إنتِ عايزاه، أنا معاكي”

كنت مترددة، مش عارفة أواجه ولا أسكت، فسكت، وبعدها جوزي كان في بيت أمي جنبها، وكان عايز ياخدني معاه، ومع التغيير اللي شافته مني، حكتلي إن سلفها مسك إيدها وقال لها: “أنا بحبك”، قلت لها: “جيبي من الآخر”، فقالت إنه جوزي، والكلام اللي هو قاله أنكرته، وقالت إنه هو اللي غلط

طيب إنتِ كنتِ بتكلميه رسائل على الماسنجر، وبتقولي له “رن”، وهو بيرن لك بالليل الساعة 1 أو 2 ليه؟ قالت لي: “عشان أزعقله”، وهو بيقول: “هي كانت عايزاني”، أنا مش عارفة أعمل إيه