لعبة ببجي هي السبب في خراب بيتي

انا كنت بهزر مع جوزى وفجاءة الموضوع قلب بالشكل داه. انا متجوزة من ٢٢ سنه كنا بنحب بعض واتجوزنا واحنا لسه فى الجامعه كنا ١٩ سنه لما اتجوزنا واهالينا اللي اتحملونا مسؤليتنا حصل حمل فى اول شهر وجبت توأم ولاد وفى نفس السنه حملت تانى فى بنوته الحمل حصلت بدون تخطيط فى المرتين حياتنا كويسه الولدين واحد فى كليه حربيه والتاني فى طب والبنت لسه فى ثانوى وجوزى دكتور وانا بعد ما خلصت جامعتى مشتغلتش عشان مسؤلية البيت وجوزى عمره ما قصر فى حقى وانا بردة وكمان لسه محافظة على جمالى وشكلى ووزنى وكل حاجة الموضوع بدأ لما جوزى نزل لعبه ببجى وكان مصر انزلها ونلعب سوا بس انا كنت مش عايزة وهو بدأ يتعلق جدا بالعبه لغاية ما انا قررت اكسر الروتين واعمل مقلب فيه وانزلها ونزلتها ولعبنا سوا وكنت بتكلم باللغه الانجليزيه انا متمكنه فيها جدا بحكم دراستى المهم معرفنيش فضلنا نتكلم وهو على ما صدق وانشد ليا جدا وحكالى عن حياته والمفروض الايام دى هو مسافر شغل وانا مسافر معاه لقيته بيكلمنى فى اللعبه وعرفنى معاد نزوله انا مفهماه ان انا من الدوله الاوروبيه اللي هو هيسافرها الايام دى وبيقولى نتقابل . وراح كلمنى انا وقالى إجراءات سفرك فيها مشكله ومش هتعرفى تسافرى معايا للعلم ان لما كلمت ابن عمى وسألته فى حكاية جوازى قالى مفيش اى مشكله عندك جوزى شعره مختلط بين الابيض والاسمر لقيته راح يكلم بنتى ويقولها شكلى حلو ولا اصبغه وعمال يشترى فى هدوم جديدة ويسألنى فى اللعبه بحب الراجل استايل لبسه ايه دى اول مرة جوزى يخونى فى حياتنا انا بفكر اسيبله البيت بس كل خوفى على بنتى هى فى ٣ ثانوى وعلمى رياضه وانا خايفه ان لو حصل مشاكل يأثر على دراستها دى هتبقى اول مرة اسيب البيت طول حياتنا الزوجيه احنا اه بنتخانق زى اى اتنين بس بنعرف نحتوى بعض وقت الزعل ومهما زعلنا يطول بنتصالح وبنرجع احسن من الاول محتاجة مساعدتكوا انا تعبانه جدا لانه بدأ يتكلم معايا على اللعبه ويقولى بحب صوتك اوى وانا فعلا متحمس ان اشوفك وانتى بقيتى جزء مهم فى حياتى وكلام كتير زى داه