صورة علم Occupied Palestine
من مجهول
منذ شهر 13 إجابات
0 0 0 0

أتحسر وأبكي على الحياة التي أجبرت على العيش فيها

السلامم عليكمم انا بدي احكي مشكلتي واعطوني رايكو بعرف الكل بعاني من الخيانه الزوجيه بس بكون في ناس بتنظر من الطريقه الصحيحه احسن من صاحب المشكله انا لي خمس سنين متزوجه وعندي ولدين وبنتين وزوجي بكون ابن عمي المهم هو اكبر من بعشر سنين وعمري ٢٥ هو كان يحبني وبس كملت العشرين تقدم لخطبتي بالاول رفضته لان ما كنت بفكر بالزواج المهم صارت قسمه وتزوجنا كنت اعرف يحكي مع بنات عالمواقع بس حكولي بتغير بعد الزواج وانه كل الرجال هيك وانجبرت

اسكت لاني يتيمه وكنت عايشه بظلم بالعيله المهم تزوجنا واستمر عالحاله وكنت اكتشفه بس كل مره يحكيلي انه عادي بتسلى مو بنيه تانيه وكان يراضيني كنت اسكت واتحمل لان العيله عنا بتكرهني اللي هم اخوان بابا يعني ما كان لي حدا اشكيلو او اتوجه له سكتت واتحملت مع الوقت اكتشفت انو بلاقيهن وهيك من رسائل التلفون ما بعرف تغيرت صرت ما بحبه ولا بكرهه ما بعرف كيف واخر مشكله صارت دمرت نفسيتي اللي هي صار معانا اشى وغيرنا مكان السكن وكان النا جيران من الاول ما ارتحت الهم وكنت متوقعه انه هو راح يحاول يصاحب بنات الجيران المهم مع الوقت

اكتشفت انه بحكي مع وحده فيهن وهي مخطوبه وامها مطلقه يعني عيله متدمره الام مطلقه اخوانها الشباب مره بالسجن ومره بره باختصار اجيت حكيتلو انه ليش تحكي معها حكالي ليش تلعبي بالتلفون وقلب القصه علي المهم اخذت اولادي ورجعت ع داري القديمه قعدت فيها لحالي انا واولادي بعد يومين رجعني واجا راضيني بدون ما يحكي بالقصه المهم سكتت وصرت اقعد مع اولادي اطنشه ما اقعد معه خلص حطيت براسي اعيش لاولادي بعد شهر كان عيد ميلاده كل مره بعمل اشى جبت هدايا وكعك وعشان اولادي كمان يغيرو جو رجعنا عالدار الجديده واكتشفت انو كان عندهم قبل ما اوصل هي بعثتلي صورته بتجاكر وقتها ما بعرف شو صارلي انهرت لان ما توقعت توصل لهالدرجه ف اعطيت ابني الكبير الكعكه راح اعطاها ابوه والهدايا هيك بدون حفله ولا اشى كل مره بعمل زينه استغرب من طريقه التقديم وما بعرف اظن عرف اني عرفت من اخوها لان وقتها اجا علي عالغرفه وبحاول يحكي ويضحك وانا مو معبرته من الصدمه المهم بس نامو اولادي اعطيتو التلفون وظليت هاديه حكالي شو هاد قلت انت لازم تحكيلي حكالي انه ام البنت طلبت مساعده باشى فجاه صرت ابكي وسمعته حكي ثقيل قلت انا يتيمه صح بس مو يعني تلعب بذيلك وانه ما في حد يوقفك عند حدك حكيتلو انه عيب عليك استحي مو عشاني عشان اولادك بلاش بس يكبرو يعرفو بقصصك ويخجلوً منك ك اب انا عن نفسي بطلت تفرق معي لان عايشه عشانهم مو عشانك ولا بتهمني وحسبي بالله عليك وعليها حكالي راح ينتقم عاللي عملتو بالمختصر اهملته وصرت اقعد لحالي وهو صار يجي عندي يهتم تغير لان خلص كشفته وما في حجه زي كل مره ويلومني رجعنا ع بيتنا القديم واخوها الصغير ببعثلو عالتلفون بس ما بعرف شو لان الكود غيرو لحد هلا عندي شكوك انه بحكي معاها كل ليله بصير ابكي منهاره تخليت عن اشياء عشانه واتحملت وما زلت بتحمل ليش هيك بردها الي انا صح بطلت زي اول احبه بس ببكي ع حياتي اللي انجبرت اعيشها بس لاني يتيمه وما لي حدا ليش المرأه لازم تتحمل اخطائكو ليش هي تضحي عشان اولادها طيب انتو يالرجال راضيين ع اللي بتعملوه ما بتحسو بتأنيب الضمير بس تعرف مرتك طيب بلاش ما بتخجل ع حالك قدامها يعني مش عارفه ايش اساوي قسما بالله تعبت من وحده لوحده كل مره اخجلوو ع حالكوووو من ناحيتي لا تتزوج اذا انت نسونجي انا حياتي اللي قبل جبرتني اتزوج مع انه كنت كرهانه الجيزه من ورا هالشى بس كنت عايشه مظلومه عند عمامي كل يوم مشكله واهانات حكمت ع حالي اعيش بحياه خيانه بخيانه ولا اكون لعبه بادينهم حسبي بالله ع كل واحد ظالم وعلى كل واحد بخون مرته وبستغل ضعفها

أضف إجابتك

صورة علم United States
السؤال التالي