والدي على علاقة بفتاة بعمر بناته، فما الحل؟

من عير تجريح لو سمحت عشان المشكله حساسة جدا انا مهندسة ومخلصة جامعه السنادى انا اصغر اخواتى عندى اخ اكبر منى خاطب ظابط جوية واخت دكتورة متجوزة ومخلفة امبارح بابا كان نسى موبايلة فى البيت وانا مكنتش لاقيه موبايلى فخدت موبايل بابا وفتحت الواتس عشان ارن على موبايلى بس شدنى ان كان فيه نمرت واحده بابا عامل معاها مكالمه قبل ما ينزل واسمها مش غريب عليا لا وكمان اخر رسالة كانت مبعوته بتقولوا لا بردة مخصماك الرسالة استوقفتنى للحظات زى ما يكون عقلى وقف وفتحت الشات ومن الرسايل عرفت ان بابا على علاقه عاطفيه بالبنت دى من شهر ٧ البنت دى اصلا اصغر منى بسنتين وكمان اهلها منفصلين مش عارفه ازاى بابا عمل كدا ازاى قدر يكلم واحده اصغر من اصغر اولادة البنت دى بتكون زميلة ابن عمتى واكيد من هناك بدأت العلاقه انا شوفت سجلات المكالمات لقيت انهم بيتكلموا يوميا الساعه ٣ الفجر واوقات ٤ انا عايزة احكى لاختى واخويا ونشوف حل بس مش حابه اشوه صورة والدى عند حد كفاية الحسرة اللي فى قلبى بعد ما صورته نزلت من نظرى انا قررت اروح للبنت البيت ويبقى كلام منى ليها واللي يحصل يحصل انا معدش يهمنى حاجة اكتر من احل الموضوع داه من غير ما امى تعرف حاجة