راكمت علي الديون حتى تتباهى بعرسها أمام صديقاتها

السلام عليكم انا شاب عمري 37 سنة تزوجت من بنت خالي لم اكن اعرفها فهي مقيمة في الامارات اتت لقضاء العطلة الصيفية لمدة شهر وتمت الخطوبة وسافرت وبقينا على التواصل لمدة سنة على التلفون فقط وحددنا موعد العرس في لبنان واخبرتها ان امكانياتي تسمح ان اقيم لها عرس في صالة بقيمة 4000 دولار لا اكثر لم تقبل ابدا حاولت معها بكل الطرق اصرت على ان نقيم عشاء فاخر لتتباها امام اصدقائها واهلها المهم امي باعت ذهبها كله واقمت لها عرس بصالة وعشاء مفتوح كلفني 11 الف دولار لم اكترث للموضوع وتزوجنا وانجبت منها ولدين وتفاقم الدين علينا من تكاليف العرس ومصاريفها التي لا تنتهي ووووو اقترحت علي بفكرة ان اسافر ل الامارات لاسد جميع ديوني وان تبقى هي عند امي يعني عمتها لمدة سنتين وافقت بعد الحاحها علي وبالفعل انتقلنا للعيش مع امي هي واولادي الاثنين واجرت شقتي في عرمون وقلت لها ان تاخذ اجار الشقة هي 500 دولار لتصرف عليها وعلى الاولاد وانا ابعت لها 400 دولار كل شهر يعني تعيش مرتاحة ولا تعوذ حدا مع العلم اولادي لس صغار 3 سنوات وسنة ونص يعني ما عندي مدارس وتكاليف وسافرت وصرت سد ديوني شوي شوي وابعتلها كل شهر صارت امي دقلي تقلي مرتك كل يوم بتلبس بكامل اناقتها وتترك الولاد عندي شي 4 ساعات كل يوم بدون ما تخبر حدا وين رايحة وعلى طول حابسة حالها بغرفتها وتاركيتلي الولدين لاهتم فيهن انا لا بتشتغا بابيت معي ولا بتمد ايدها على غرض كل وقتا ضاهرة او مقفلة على غرفتها والولاد مع امي اتصلت. فيها لافهم منا وين عم تروح كل يوم بتقلي ما خصك انا كمان بدي عيش حياتي انت مسافر وتاركني طيب ما انت جبرتيني سافر وحطيتي عليي ديون بتقوم بتعملي بلوة عكل شي واتساب والاتصال وفايس بوك قلت ما بدي كبر المشكل عندي ولدين صرت بس بدي احكيها دق لامي وامي تعطيها التلفون وهيي اسمعها تقول خلي يطلقني دايما وانا اسكت واسكت لحد ما يوم امي فاقت بالليل على صوت ابني الصغير عم يبكي. مامت ماما قامت امي من تختا دور عليها ما لقتا بكل البيت كانت الساعة 3 الفجر دقتلي انو مرتك مش بالبيت وهيك ولا بعد شوي بتقلي لحظة اجت لما سالتها امي وين كنتي بهالوقت قال سمعت صوت حد الباب الخارجي وضهرت لتشوف شو للقصة ونزلت عالطابق لي تحتنا لتشوف شو القصة امي صارت تقلي انا شاكي تكون عم تخوني ومن هالحكي انا هلق جيت علبنان لحتى حط حد لهالموضوع ونخلص من كل هالمشاكل امي طالبي مني طلقا خلص وقالتلي بتغضب عليي اذا بضل معا وبتحرمني من الورتة وانا ما عم بعرف شو اعمل عندي ولدين وهيي مش عم تعامل امي منيح ابدا ابدا شوف عيني شفت كيف عم تتصرف معها وعمري ما بقا يسمحلى ارجع اخطب وابني حبياة جديدة هلق شو اتصرف انا ضايع بطلقها وببقى مع ولادي هيي قالتلي ما بدا الولاد وبدا تسافر عند اهلها او بسكت عجرحي وبعيش كي ما كان