زوجي أقسم أنه سيتغير لكن أهلي يهددون بمقاطعتي إذا رجعت له

بدون اسم لو سمحت انا مشكلتي بدت بعد زواجي بشهر لما اكتشفت إنه زوجي للأسف بيتعاطى وكان يطلع مع صاحبه يلي كان يوقعه بمشاكل كتير بس الحمد لله بعد عنه بس ضلت مشكلة المخدرات وحاولت إني ابعده عنها بس ما قدرت وكنت اشتغل وهو قاعد بالبيت ونصرف من راتبي بعدين خلاني اترك الشغل لحتى يصير حمل وكنا عايشين من خير امه الأرملة مع انه ظروفها قاسية كتير والحمد لله صار حمل وصارت عنا بنت ما شاء الله عليها متل الألعاب مين ما بشوفها بينبهر بجمالها وبقولوا خسارة بابوها سواء عيلتي او عيلته نفس الكلام ووعدني لاجلها يترك المخدرات ويشتغل ويعيشنا حياة كريمة بس للأسف ما قدر يتركها وكل شغل يشتغل فيه يضل فيه شهر او شهرين ويمل ويتركه بسبب السم يلي عم يدخنه وكل شوي ببعتني عند اهلي لأنه مامعه يصرف علينا وأهلي يقولولي اتركيه واشتغلي وربي بنتك بعيد عن أبوها ومخدراته وانا رافضة لأني ما بدي بنتي تتربى بعيد عن أبوها وصار يبيع بعفش البيت شغلة شغلة لحتى بقدر يشتري مخدرات هددته أتركه فدخل مصحة ليتعالج وتعالج وطلع وبعديها رجع للمخدرات فرحت تركته ورجعت لبيت اهلي ورفعت عليه قضية نفقة وصار يترجى ارجعله وقالي انه ترك المخدرات ودهن البيت وبده ارجعله ونعفش البيت من جديد وخلا امه تحكي معي لحتى تقولي ارجعي لبيتك وهيني لقيتلك شغل قريب عالبيت وزوجك ان شاء الله رح يشتغل بوظيفة حكومية وأهلي بقولولي إذا بترجعيله انسي إنه الك اهل شو بتنصحوني والله تعبت