صورة علم Saudi Arabia
من مجهول
منذ 7 شهور 5 إجابات
0 0 0 0

الجامعة بعيدة واحتمال قبولي في الجامعة ضعيف، ساعدوني

السلام عليكم ؛ ابغى اشاركم موضوعي المعقد و اتمنى اجابه مقنعه لاني في حيره ما يعلمها الا ربي ! الموضوع و ما فيه انا خلصت الثانويه ولله الحمد معدلي عالي و جت فترة اختيار المسار و طبعا طموحي الأساسي و اللي شديت حيلي في الثانويه عشانه ( الطب ) أو المسار الصحي بشكل عام ولكن تحديدا الطب . جت فترة اختيار الجامعه و الاهل سألوني وين بتروح قلت والله ما اعرف بس ناوي على المسار الصحي بالجامعه الفلانيه قالوا لي الاهل و خصوصا الوالده أن المسار الصحي صعب جدا و ايضا اثنين من اخوانك دخلوا بالجامعه اللي تبغى تدخلها و فشلوا ما دخلوا الطب اللي راح تمريض واللي راح صيدله بنفس الجامعه اللي ابغاها و للعلم الجامعه هذي قريبه مننا و للمعلوميه ايضا معظم جامعاتنا بالمملكه العربيه السعوديه تدخل مسار صحي و بناء على معدلك خلال اول سنه تدخل التخصص المناسب لك ف الاهل خوفوني ب اني راح افشل و قالوا لي ليه ما تفكر بالهندسه لان مهاراتك فيها اكبر ؟ انا خفت جدا من كلامهم ب اني راح افشل بالمسار الصحي و ما راح ادخل طب بس توكلت على الله و رحت شئ ما ابغاه ابدا اللي هو هندسه بجامعه قويه جدا و قلت في نفسي اذا ما اعجبتني على الاقل ب اكون استفدت خبره من اللغه الانجليزيه و تعلمت دروس كيف ادرس بالجامعه و دخلت الجامعه وللاسف النتائج مخيبه جدا و الجامعه كانت صعبه و مثل المتوقع لانها جامعه قويه من الاساس و اخذت F بالرياضيات و عدت اللغه الانجليزي في لفل و اغلب المواد كانت علاماتي على حافة النجاح و طبعا كانت صدمه لي كبيره جدا خلال الترم الاول و عرفت اني اتخذت قرارات خاطئه كبيره جدا جدا و الوالدين خايفين مره و معصبين عليي و شبهه يوميا جدال بيني و بينهم و يقولون احنا ما اجبرناك على المسار هذا أو الجامعه هذي و طبعا ما جادلتهم في موضوع أنهم خوفوني لان خوفي انا اتحمل مسؤوليته ولا ابغى احسسهم بندم ف تحملت كل شئ و خلال الاجازه بين الترم الاول و الثاني قعدت بيني و بين نفسي اشوف اخطائي و كيف ممكن اعدلها و جلست احسب كل شئ من البداية و عرفت اخطائي و أولها خوفي من المسار الصحي بعد ما كان طموحي الأكبر و هو سبب اجتهادي خلال الثانويه و ثاني خطأ كان خلال دراستي بالترم الاول كان يجيني شعور الندم لاختيار المسار الهندسي و اني ما احبه و مهما اذاكر الافكار هذي تشوش على بالي و تمنعني من التركيز و ايضا لأكون صريح الاهل مزعجين بالبيت يعني ما اقدر ادرس بهدوء ف اتخذت قرارات مصيرية بذيك الاجازه بعد ما درست الموضوع زين و هو اني راح اخرج من هذي الجامعه حتما نهاية السنه و راح ابعد عن الاهل عبر اني اروح جامعه بمدينه ثانيه و طبعا راح ادخل المجال اللي طموحي فيه و الوالد كان يراجعني ب استمرار شبهه يوميا و يسألني اساله مزعجه مثل ( كم علاماتك ) و ما كنت ارد لاني اعرف انه ما بينفعني بشئ لو عرف و ايضا راح يزداد توتره و راح يعصب عليي ف لما ظغط عليي لدرجه ما تحملت علمته بكل شئ ناوي عليه و اللي صار و طبعا انصدم و خاف مره من مساله اني اغير مساري و يحسب اني اتخذت هذا القرار بناء على علاماتي السيئه بالجامعه و مهما احاول اقنعه اني قررت هذا القرار عشان طموحي الأساسي مو راضي يقتنع و يقول جتك صدمه من الجامعه و صعوبتها و علاماتك و اكيد جتك عين لانك دخلت هذي الجامعه المرموقة اللي ما يدخلها الا قلة ! ف ما كان ينفع اي شئ مهما احاول اقنعه و الى الان و طبعا مع بداية الترم الثاني و بعد مرور أسبوعين اللي هي الفتره الحاليه اللي جالس اكتب فيها هذي المقالة جاني تبلد في الدراسه ما ابغى ادرس أو أشد حيلي مثل الترم الاول لاني ما ابغى اكمل و الوالد مره مزعجه الموضوع اني ما اشد حيلي لاني نويت اطلع من الجامعه و أحد زملائه اوهمه بكلام اني لو خرجت من الجامعه احتمال ضعيف جدا أن اي جامعه تقبلني و ممكن ما تتعدى الاحتماليه ٣٪ مع اني شفت الجامعه اللي انا ناوي عليها و سالت طلاب فيها قالوا اكيد راح يتم قبولك و بحثت كثير جدا لدرجه اني تاكدت اني راح انقبل ب اماكن كثيره و عندي خطط احتياطيه طبعا في حال اني ما قبلت باللي ابغاه مع ان احتمال عدم قبولي ما يتجاوز بالكثير ١٠٪ و صراحه الوالد بعد العلامات و بعد ما اقتنع أن المسار الهندسي ما يناسبني قال لي لا تطلع من الجامعه و كمل فيها و طبعا ما يبغاني اطلع منها لان الجامعه سمعتها عاليه و دائما الخريجين منها يتم توظيفهم بسرعه عكس بقية الجامعات و خصوصا أن التوظيف صعب هاليومين و لاني ناوي على جامعه سمعتها مو قويه مقارنه باللي انا فيها حاليا و اقترح عليي الوالد ب مجال الاداره مو لازم هندسه و طبعا عرف أن مسألة تخويفهم لي و الظغط عليي عشان ادخل هذي الجامعه كان غلط عشان كذا اقترح اني ادخل مجال الاداره بنفس الجامعه بس الاهم ما اطلع و خايف جدا اني اطلع من الجامعه ولا تقبلني اي جامعه ثانيه لان الاولويه لخريجين السنه نفسها مع اني أقنعته فيه اماكن تقبلني بس رفض الفكره و تمسك برأيي زملائه ف ابغى الشوره منكم لاني في حيره بين ظغط و خوف الاهل و الخروج من الجامعه و مسألة اني راح اروح بعيد و مساله اني احتمال قبولي ضعيف لان صراحه الوالد بدأ يشككني بنفسي !